مرکزی حکومت او بی سی خالی اسامیوں کو جلد پُر کریں

بہوجن سماج پارٹی (بی ایس پی) سپریمو مایاوتی نے پیر کو کہا کہ دیگر پسماندہ طبقات (او بی سی) کی شناخت کرنے سے متعلق بل کا ان کی پارٹی حمایت کرتی ہے مگر مرکز کو سرکاری نوکریوں میں اس سماج کے لئے خالی اسامیوں کو بھرنے کی سمت میں قدم اٹھانے ہوں گے۔ مایاوتی نے پیر کو اپنے ایک ٹوئٹ میں لکھا کہ ’او بی سی سماج بہوجن سماج کا جزئ لاینفک ہے جس کے مفاد و فلاح کے لئے بابا صاحب ڈاکٹر بھیم راو¿ امبیڈکر نے آئین کی دفعہ 340 کا انتظام کیا اور اس پر صحیح سے عمل نہ ہونے پر حکومت کے پہلے وزیر قانون نے استعفی بھی دے دیا تھا۔ بی ایس پی بھی ویسے ہی ان سماج کے لئے جی جان سے یکسو ہے۔مایاوتی نے کہا کہ ‘اسی سوچ کے تحت ریاستی حکومتوں کے ذریعہ او بی سی کی شناخت کرنے و ان کی فہرست بنانے سے متعلق پارلیمنٹ میں آج ترمیمی بل کا بی ایس پی حمایت کرتی ہے۔ مگر مرکزی حکومت صرف خانہ پری نہ کرے، بلکہ حکومتی نوکریوں میں او بی سی کے سالوں سے خالی عہدوں کو پ±ر کرنے کی سمت میں پختہ اقدام کرے۔ قابل ذکر ہے کہ لوک سبھا میں اپوزیشن کی سخت مخالفت و ہنگامے کے دوران آئین ترمیم (ای ٹی) بحکم (ترمیم) بل 2021 سمیت تین بلوں کو منظور دی گئی ہے۔