ہمیں اپنے بہادر سپاہیوں کی بہادری، لگن، قربانیوں اور بے لوث خدمات پر فخر:منوج سنہا

نیشنل سیکورٹی گارڈس( این ایس جی) کا42واں یوم تاسیس ،لیفٹنٹ گورنر کی مبارکبادی
قومی سلامتی کے تئیں فورس کاعزم متزلزل اورقابل تعریف
سری نگر :۶۱،اکتوبر:جے کے این ایس : جموں و کشمیر کے لیفٹیننٹ گورنر منوج سنہا نے جمعہ کونیشنل سیکورٹی گارڈس( این ایس جی) کے یوم تاسیس کے موقع پر نیشنل سکیورٹی گارڈ (این ایس جی) کے اہلکاروں کو مبارکباد پیش کرتے ہوئے قومی سلامتی کے تئیں ان کے عزم کی تعریف کی۔جے کے این ایس کے مطابق سماجی رابطہ گاہ ایکس پر ایک پوسٹ میں لیفٹیننٹ گورنر کے دفتر نے لیفٹیننٹ گورنر منوج سنہاکے حوالے سے لکھاکہ نیشنل سیکورٹی گارڈس( این ایس جی) قومی سلامتی کے لیے غیر متزلزل عزم کے ساتھ ایک مضبوط قوت کے طور پر کھڑا ہے۔لیفٹیننٹ گورنرنے کہاکہ ہمیں اپنے بہادر سپاہیوں کی بہادری، لگن، قربانیوں اور بے لوث خدمات پر فخر ہے۔ تمام اراکین اور اہل خانہ کے لیے نیک خواہشات۔قابل ذکر ہے کہ نیشنل سیکیورٹی گارڈ (NSG) نے16 اکتوبر 2026 کو اپنا 42 واں یومِ تاسیس منایا۔یہ دن ہر سال 16 اکتوبر (جو 1984 میں اس فورس کے قیام کی یاد دلاتا ہے)۔فورس کا عرفی نام: بلیک کیٹس(اپنی مخصوص سیاہ وردیوں کی وجہ سے) اور زیرو ایرر فورس(یعنی ایسی فورس جس سے غلطی کا امکان نہ ہو)۔ نصب العین: سروترا سروتم سرکشا(ہر جگہ، بہترین تحفظ)۔ انتظامی ادارہ: وزارتِ داخلہ، حکومتِ ہند۔ کردار: بھارت کی ایک اہم وفاقی ہنگامی فورس، جو انسدادِ دہشت گردی، یرغمالیوں کو بازیاب کرانے، ہائی جیکنگ کے واقعات سے نمٹنے اور بم ناکارہ بنانے کے آپریشنز میں مہارت رکھتی ہے