سال 2022میںبٹہ مالو میں خاتون کا قتل معاملہ

سری نگر عدالت نے خاتون سمیت تین ملزمان کو عمر قید کی سزا سنادی
سرینگر /17اکتوبر / // سرینگر کے بٹہ مالو میں ایک قتل کیس کے معاملے میںسری نگر عدالت نے خاتون سمیت تین ملزمان کو عمر قید کی سزا سنادی۔ نیشنل نیوز بیورو ( این این بی ) کے مطابق سرینگر پولیس نے سال 2022 میں بٹہ مالو تھانے میں درج قتل کے ایک مقدمے میں تین ملزمان کو مجرم قرار دلوانے میں کامیابی حاصل کی ہے۔ عدالت نے مقدمے کی سماعت مکمل ہونے کے بعد ایک خاتون سمیت تینوں ملزمان کو عمر قید کی سزا سنائی ہے۔پولیس ترجمان کے مطابق یہ مقدمہ ایف آئی آر نمبر 109/2022کے تحت پولیس اسٹیشن بٹہ مالو میں درج کیا گیا تھا۔ مقدمے میں ملزمان کے خلاف تعزیراتِ ہند (آئی پی سی) کی دفعات 498-A،302,120-Bکے تحت کارروائی عمل میں لائی گئی تھی۔پولیس کے مطابق مقدمے کی تحقیقات مکمل کرنے کے بعد شواہد عدالت کے سامنے پیش کیے گئے اور کیس کی مو ¿ثر انداز میں پیروی کی گئی۔ مقدمے کی سماعت مکمل ہونے پر سرینگر کی ایڈیشنل سیشنز جج عدالت نے مسماةحفیظہ بیگم، پرویز احمد ڈار عرف بلال اور شاہنواز احمد ڈار کو آئی پی سی کی دفعات 302 اور 120-Bکے تحت قصوروار قرار دیا۔عدالت نے تینوں مجرموں کوعمر قید کی سزا سنائی۔ پولیس کے مطابق یہ فیصلہ سرینگر پولیس کی جانب سے مقدمے کی مسلسل اور پیشہ ورانہ تحقیقات، شواہد کو مو ¿ثر انداز میں پیش کرنے اور عدالتی عمل کے ذریعے کیس کی پیروی کا نتیجہ ہے۔پولیس نے کہا کہ مقدمے میں قانونی کارروائی کو مو ¿ثر انداز میں آگے بڑھایا گیا تاکہ جرم میں ملوث افراد کو قانون کے مطابق جواب دہ بنایا جا سکے اور متاثرین کو انصاف فراہم کیا جا سکے۔سرینگر پولیس نے اس موقع پر اپنے عزم کا اعادہ کیا کہ وہ شہر میں امن و قانون کی صورتحال برقرار رکھنے، جرائم کے خلاف مو ¿ثر کارروائی کرنے اور متاثرین کو انصاف کی فراہمی یقینی بنانے کے لیے اپنی کوششیں جاری رکھے گی۔