سوپور میں سٹکی بم برآمد

شمالی کشمیر سوپور لشکر طیبہ کے ہائی بریڈ عسکریت پسند کی گرفتاری کے بعد پولیس وفورسز نے سیب کے باغ سے سٹیکی بم برآمد کرکے بڑے جانی ومالی نقصان کے خدشے کو ٹال دینے کادعویٰ کیا۔اطلاعات کے مطابق تین ستمبر کو پولیس وفورسز نے مشترکہ کارروائی کے دوران لشکرطیبہ کے ہا ئی بریڈ عسکریت پسند شنکر گنڈ کراسنگ کے قریب گرفتار کرنے کادعویٰ کیااور ساقب شکیل نامی ا عسکریت پسند کے قبضے سے ایک پستول میگزین اور آٹھ گولیوں کے رونڈ برآمد کرنے کادعویٰ کیا۔گرفتار کئے گئے ہائی بریڈ عسکریت پسند سے پولیس وفورسزنے پوچھ تاچھ شروع کی جس کے دوران اس نے سٹیکی بم چھپانے کاانکشاف کیا۔مشترکہ پریس کانفرنس سے خطاب کرتے ہوئے22راشٹریہ رائفلز کے کمانڈنگ افسر او ر 179بٹالین سی آر پی ایف کے کمانڈنگ افسر نے کہاکہ پوچھ تاچھ کے دوران مزکورہ عسکریت پسند نے سیب کے باغ میں سٹیکی بم چھپانے کاانکشاف کیااور مزکورہ ہائی بریڈعسکریت پسند کی نشاندہی پر سیب کے باغ سے سٹیکی بم برآمد کئے گئے ۔پریس کانفرنس کے دوران پولیس وفورسزکے افسران نے کہاکہ سٹیکی بم پہلی بار شمالی کشمیر سوپور میں برآمد کئے گئے۔ انہوںنے کہاکہ یہ بم انتہائی خطرناک ثابت ہوسکتے ہے اور سٹیکی بم گاڑیوں کے ساتھ چپک جاتے ہے اور پولیس وفورسز نے بروقت کارروائی کرکے ایک بہت بڑے حادثے کورونما ءہونے سے ٹال دیا۔