نیلوفر خان کشمیر یونیورسٹی کی نئی وائس چانسلر مقرر

ایل جی منوج سنہا کی جانب سے باضابط طورپر حکم نامہ جاری
لیفٹیننٹ گورنر منوج سنہا نے جمعرات کو پروفیسر نیلوفر خان کو کشمیر یونیورسٹی کا نیا وائس چانسلر مقرر کیا۔لیفٹیننٹ گورنر کے دفتر سے جاری ایک حکم کے مطابق، ”کشمیر اور جموں یونیورسٹیز ایکٹ 1969 کے سیکشن 12 کے تحت مجھے حاصل اختیارات کے استعمال میں، میں، منوج سنہا، چانسلر کشمیر یونیورسٹی،پروفیسر نیلوفر خان، پروفیسر، شعبہ ہوم سائنسز کشمیر یونیورسٹی کو یونیورسٹی آف کشمیر کا وائس چانسلر تعینات کرتا ہوں۔ کشمیر یونیورسٹی کی وائس چانسلر کے طور پر تین (03) سال کی مدت کے لیے وہ چارج سنبھالیں گی،شرائط و ضوابط کو الگ سے مطلع کیا جائے گا“۔اہم بات یہ ہے کہ پروفیسر نیلوفر خان کشمیر یونیورسٹی کی پہلی خاتون رئیس ہیں۔ اس سے قبل موصوفہ کشمیر یونیورسٹی کے شعبہ ہوم سائنسز میں ہی پروفیسر کے طور پر کام کر رہی ہیں۔ پروفیسر نیلوفر نے پروفیسر طلعت احمد کی جگہ لیں گی جن کی تین سالہ مدت اگست 2021 میں ختم ہوئی تھی۔