منگل وار کو عیدالفطر کی تقریب سعید دینی و ملی جذبہ کیساتھ منائی جارہی ہے

ماہ مبارک مکمل ہو نے کیساتھ ہی آج عید الفطر کی تقریب سعید انتہائی عقیدت و احترام اور دینی وملی جوش وجذبہ کے ساتھ منائی جارہی ہے ۔لاکھوں فرزندان تو حید عیدگاہوں، مسجدوں اور خانقاہوں میں صاف وپاک ملبوسات پہن کر نماز عید ادا کر یں گے۔اس سلسلے میں نماز عید کا سب سے بڑا اور تاریخی اجتماع درگاہ حضرت بل سری نگر میں ہوگا جہاں لاکھوں فرزندان توحید ماہ صیام مکمل ہونے کے بعد رب کائنات کے سامنے سربسجود ہونگے۔اسکے علاوہ وادی بھر کے تمام ضلعی ،تحصیل اور بلاک سطح پر بھی نماز عید کے سلسلے میں بڑے بڑے اجتماعات منعقد ہورہے ہیں جن میں لاکھوں فرزندان توحید شرکت کرینگے۔ادھر جموں شہر کے مسلم اکثریتی علاقوں کے علاوہ راجوری ، پونچھ ، ڈوڈہ ، بھدرواہ، کشتواڑ،بانہال اور دیگر علاقوں میں بھی نماز عیدکے بڑے بڑے اجتماعات ہورہے ہیں۔اس سلسلے میں عید گاہوں، مساجدوخانقاہوں کو پوری طرح صاف و شفاف رکھنے کے علاوہ خوب سجایا گیا ہے۔نمائندے کے مطابق عید کا چاند نظر آنے کے ساتھ ہی پاکستان کی مرکزی روحت ہلال کمیٹی ،جامع مسجد نئی دہلی کے امام اور دیگر علمائے دین کی طرف سے باضابطہ طور یہ ا علان کیا گیا ہے کہ بر صغیر ہندوپاک میں آج یعنی3مئی کو عید الفطر کی تقریب سعید منائی جائے گی ۔جموں وکشمیر کے آرپار نمازعید کے روح پر ﺅر اور عظیم الشان اجتماعات کا انعقار ہو رہاہے ۔اطلاعات کے مطابق آثار شریف درگاہ حضرت بل میں نماز عید کا بہت بڑا اجتماع ہوگا جس میں لاکھوں فرزندان توحید شرکت کرینگے۔ اس سلسلے میں درگاہ حضرت بل کو سجایا اور سنوارا گیا ہے جہاں تقریباً1 لاکھ کے قریب لوگ نماز عید ادا کریںگے ۔ ادھر وادی کشمیر کے تمام ضلعی وتحصیل صدر مقامات کے علاوہ جموں شہر،ڈوڈہ ،ہندوارہ ،کشتواڑ ،بانہال ، رامبن،راجوری ، پونچھ ،اور کرگل میں بھی عظیم الشان اجتماعات کا انعقاد ہو گا جن میں لاکھوں فرزندان توحید شرکت کریں گے ۔نماز عید اجتماعات کے وقت رقت آمیزمناظر بھی دیکھے جائیں گے کیونکہ ہر عید گاہ ،مسجداور خانقاہ کے باہر ہزاروں کی تعداد میں معذور،بے سہارا ،یتیم بچے ،بیوہ خواتین بھیک مانگ رہے ہو نگے ۔کاش کہ ہم سب نے اپنی بساط کے مطابق وقت پر محتاجوں ومسکینوں کی امداد واعانت کی ہوتی تو شاید یہ سب لوگ بالخصوص یتیم بچے ہمارے شانہ بشانہ عید کی خوشیوں میں شامل ہو تے ۔وادی کے دوسرے بڑے شہروں اور قصبوں میں بھی عید جوش و جذبے کےساتھ منائی جارہی ہے ۔مساجد و خانقاہوں میں بڑے بڑے اجتماعات ہوئے اور فرزندان توحید نے سربسجود ہو کر بارہ گاہ الٰہی کا شکر ادا کیا جائیگا ۔عالم انسانیت امن ترقی خوشحالی کیلئے خصوصی دعائیں مانگی جائیگی ۔وادی کے تمام ضلعی و تحصیل صدر مقامات کے علاوہ جموں شہر ڈوڑہ کشتواڑ ،بانہال،رام بن،راجوری ،پونچھ ،کرگل میں بھی عظیم الشان اجتماعات کا انعقاد ہو گا ۔جن میں لاکھوں فرزندان توحید شرکت کریں گے۔نماز عید اجتماعات کے وقت وقت آمیز مناظر بھی دیکھے جائیں گے ۔دریں اثنا انجمن اوقاف جامع مسجد سری نگرکے مطابق عید گاہ میں انتظامیہ نے نماز عید ادا کرنے کی اجازت نہیں دی ہے۔