اسسٹنٹ انجینئر5 ہزار روپے بطور رشوت لیتے گرفتار

جموں وکشمیر اینٹی کرپشن بیورو ACBنےمحکمہ دیہی ترقی بلاک پہلگام میں تعینات اسسٹنٹ انجینئر کومبینہ طورپر5 ہزار روپے بطور رشوت لیتے ہوئے رنگے ہاتھوں گرفتارکر سلاخوں کے پیچھے دھکیل دیا۔اطلا عات کے مطابق انسدادکورپشن بیورﺅ کے ترجمان نے ایک بیان میں بتایا کہACB میں ایک شخص نے تحریری طورپر شکایت درج کی کہ رولر ڈیولپمنٹ ڈپارٹمنٹ بلاک پہلگام میں تعینات اسسٹنٹ انجینئر شکیل احمد ڈار واجب الادا رقم کی واگزری کےلئے پانچ ہزار روپیہ کی رشوت طلب کر رہا ہے۔بیان کے مطابق اینٹی کرپشن بیورو کو ایک شکایت کنندہ کی جانب سے شکایت موصول ہوئی،جس میں اُس نے کہاکہ شکیل احمد ڈار، اسسٹنٹ انجینئر، دیہی ترقی محکمہ، بلاک پہلگام، اننت ناگ، 98,776 روپے مالیت کی زیر التواءبل کی کارروائی کےلئے شکایت کنندہ سے 5ہزار روپے کی رشوت کا مطالبہ کر رہا ہے۔انہوں نے بتایا کہ اینٹی کرپشن بیورو نے اس ضمن میں ایف آئی آر زیر نمبر5/2022 کے تحت ایک کیس درج کرکے مزید تحقیقات شروع کی۔ انسدادکورپشن بیورﺅ کے ترجمان نے کہا کہ ACB نے ایک جال بچھایا جس دوران راشی اسسٹنٹ انجینئر کو سائل سے5 ہزار روپے بطور رشوت لیتے ہوئے رنگے ہاتھوں گرفتارکیا گیا۔بیان کے مطابق آزاد گواہوں کی موجودگی میں راشی انجینئر کے قبضے سے رشوت کی رقم ضبط کی گئی،اور اس سلسلے میں مزید تحقیقات جاری ہے۔