شوٹنگ سٹون گر آنے کے بعد سرینگر جموں شاہراہ پر ٹریفک کی آمد رفت بند

آج صرف درماندہ گاڑیوں کو جموں سے سرینگر آنے کی اجازت ہو گی / ٹریفک حکام
تازہ برفباری اور بارشوں کے بعد مختلف مقامات پر شوٹنگ سٹون گر آنے کے بعد سرینگر جموں شاہراہ پر ٹریفک کی آمد رفت بند رہی ۔ ادھر محکمہ ٹریفک کے مطابق موسم ساز گار رہنے کی صورت میں آج یعنی سوموار کو صرف درماندہ گاڑیوں کو جمو ں سے سرینگر کی جانب جانے کی اجازت ہو گی ۔ سرینگر جموں شاہراہ پر تازہ بارشوںاور برفباری کے بعد کئی مقامات پر پتھر کھسک آئے جس کے بعد شاہراہ پر ٹریفک کی آمد رفت کو بند کر دیا گیا ۔ محکمہ ٹریفک کے ایک سنیئر آفیسر نے اس کی تصدیق کرتے ہوئے بتایا کہ رام بن اور دیگر کئی علاقوں میں پتھر کھسک آنے کے بعد شاہراہ کو ٹریفک کی آمد کیلئے بند کر دیا گیا ۔ انہوں نے کہا کہ شاہراہ کو ٹریفک کی آمد رفت کیلئے بند کرنے کے ساتھ ہی کسی بھی گاڑی کو نہ ہی جموں سے سرینگر اور نہ ہی سرینگر سے جموں کی جانب چلنے کی اجازت دی گئی ۔ ادھر محکمہ ٹریفک کے مطابق آج یعنی سوموار کو موسم ساز گار رہنے کی صورت میں شاہراہ پر صرف درماندہ گاڑیوں کو جموں سے سرینگر کی جانب آنے کی اجازت ہو گی ۔ محکمہ ٹریفک کی جانب سے جاری کردہ ایڈ وائزری کے مطابق موسم ساز گار رہنے کی صور ت میں آج صرف شاہراہ پر درماندہ گاڑیوں کو چلنے کی اجازت ہو گی اور ان گاڑیوں جو شاہراہ پر درماندہ ہے کو جموں سے سرینگر آنے کی اجازت ہو گی جبکہ مسافروں سے تاکید کی گئی ہے کہ وہ شاہرا ہ پر سفر کرنے سے پہلے محکمہ ٹریفک سے رابطہ قائم کریں ۔