دسویں اور بارہویں جماعت کے امتحانی نتائج کے اعلان ، فروری میں متوقع

دسویں اور بارہویں جماعت کے امتحانی نتائج کے اعلان کو لیکر وادی کشمیر میں گرم افواہوں کے بیچ بورڈ آف اسکول ایجوکیشن نے کہا کہ امتحانی نتائج کے اعلان میں ابھی مزید کچھ وقت درکار ہے اور ممکنہ طور پر ماہ فروری کے پہلے سے دوسرے ہفتے تک امتحانی نتائج کا اعلان کیا جا ئے گا ۔ اطلاعات کے مطابق ماہ نومبر اور دسمبر میں منعقد ہ جموں کشمیر بورڈ آف اسکول ایجوکیشن کی جانب سے دسویں اور بارہویں جماعت کے امتحانی نتائج کے اعلان کو لیکرآئے روز سوشل میڈیا پر پھیلائی جا رہی افواہوں کے نتیجے میں نہ صرف امید وار بلکہ ان کے والدین بھی تذبذب کے شکار ہو گئے ہیں ۔ آئے دن سوشل میڈیا کی وئب سائٹوں پر امتحانی نتائج کے اعلان کو لیکر مختلف تاریخوں کی بات کی جا رہی ہے جبکہ کبھی کبھی یہ باتیں بھی پھیلائی جا رہی ہے کہ ابھی یا شام کو امتحانی نتائج کا اعلان کیا جائے گا جس کے نتیجے میں طلبہ کی تشویش میں اضافہ ہو گیا ہے ۔ ادھر بورڈ آف اسکول ایجوکیشن نے تمام افواہوں کوبے بنیاد قرار دیتے ہوئے بتایا کہ ابھی امتحانی نتائج کے اعلان میںمزید کچھ وقت درکا ہے ۔ بورڈ کے ایک سنیئر آفیسر نے سی این آئی کو بتایا کہ امتحانی نتائج تیار کرنے کیلئے کام جاری ہے اور ابھی اور کچھ دن لگ سکتے ہیں ۔ انہوں نے کہا کہ ممکنہ طور پر ماہ فروری کے پہلے سے دوسرے ہفتے تک دسویں اور بارہویں جماعت کے امتحانی نتائج کا اعلان کیا جائے گا ۔