جموں پولیس نے سوموار کو جموں ہو ائی اڈے کے قریب سے دو افراد کو چینی پستول کے ساتھ گرفتار کر نے کا دعویٰ کیا۔اطلاعات کے مطابق پولیس کے سنیئر آفیسر نے بتایاکہ ایس ایچ او ستواری دیپک جسروٹیا کی قیادت میں پولیس کی ایک ٹیم جموں ایئر پورٹ کے قریب پٹرو لنگ ڈیو ٹی کے دوران ایک گاڑی(بلینو) کو اندھیرے میں سڑک کے کنارے کھڑی پائی۔ پو لیس ٹیم نے گاڑی میں بیٹھے افراد سے پوچھ گچھ کی جس پر افراد نے شور مچانا شروع کردیا اور ڈیوٹی پر موجود پولیس اہلکاروں پر حملہ بھی کیا۔ تاہم پولیس ٹیم نے انہیں تیزی سے قابو کر لیا۔ گرفتار افراد کی شناخت رندیپ سنگھ اور لبجوت سنگھ کے طور پر ہوئی ہے۔ دونوں نانک نگر جموں کے رہنے والے ہیں۔پولیس نے مزید بتایاکہ تلا شی کے دوران ان سے ایک چینی پستول اور میگزین برآمد ہوا، جو انہوں نے علاقے میں کسی سنگین جرم کے ارتکاب کے لیے رکھا تھا۔ اس پر پولیس نے پی ایس ستواری میں ایف آئی آر نمبر 282/21 کے تحت سیکشن 353/34 آئی پی سی ،7/25 آرمس ایکٹ کے تحت مقدمہ درج کر کے مزید تحقیقات شروع کردی ہے۔