سرینگر کے رنگریٹ علاقے میں مختصر شوٹ آوٹ ،دو عدم شناخت جنگجو جاں بحق

جنگجو مخالف آپریشنوں میں تیزی کے بیچ رنگریٹ سرینگر علاقے میں مختصر جھڑپ کے دوران دو جنگجو جاں بحق ہو گئے ۔ پولیس نے جھڑپ میں دونوں جنگجوﺅں کی ہلاکت کی تصدیق کرتے ہوئے بتایا مہلوک جنگجو کی شناخت کرنے کیلئے کارروائی جاری ہے ۔اطلاعات کے مطابق رنگریٹ سرینگر علاقے میں جنگجوﺅں کی موجودگی کی مصدقہ اطلاع ملنے کے بعد فوج ، سی آ ر پی ایف اور ایس او جی نے علاقے کو سوموار کو محاصرے میں لیا اور تلاشی کارورائی شروع کر دی ۔ ذرائع سے معلو م ہوا ہے کہ جونہی علاقے میں تلاشی آپریشن شروع کر دیا گیا تو وہاں موجود جنگجوﺅں نے فرار ہونے کی کوشش کی اور فوج و فورسز پر شدید فائرنگ کی ۔

ذرائع کے مطابق علاقے میں فائرنگ شروع ہوتے ہی فوج و فورسز نے مورچہ زن ہوکر جوابی کارروائی کی اور اس طرح سے علاقے میں دو بددو جھڑپ شروع ہوئی ۔ ذرائع کے مطابق جھڑپ شروع ہونے کے ساتھ ہی گولیوں کی گن گرج سے پورا علاقہ لرز اٹھا جبکہ فوج و فورسز نے پورے علاقے کو سیل کرکے جنگجوﺅں کے فرار ہو نے کے تمام راستے سیل کر دئے اور فوج کی اضافی کمک طلب کرکے آپریشن کو وسیع کر دیا گیا ۔ اسی دوران ذرائع سے معلو م ہوا ہے کہ جنگجوﺅں کو خود سپردگی کرنے کی پیشکش کی گئی تاہم انہوں نے پیشکش ٹھکرادی اور فائرنگ کی جس کے ساتھ ہی علاقے میں جھڑپ دوبارہ شروع ہوئی ۔ ذرائع کے مطابق علاقے میں طرفین کے مابین گولیوں کا تبادلہ کچھ منٹوں تک جاری رہا جس کے بعد جونہی علاقے میں گولیوں کا تباو لہ تھم گیا تو جھڑپ کے مقام سے دو جنگجو کی نعش بر آمد کر لی او ر ان کے قبضے سے اسلحہ و گولہ بارود بھی ضبط کر لیا گیا جن کی فوری طور شناخت نہ ہو سکی ۔

پولیس کے ایک سنیئر آفیسر نے جھڑپ کی تصدیق کرتے ہوئے بتایا کہ محاصرے میں موجود جنگجو کو سرنڈر کرنے کی پیشکش کی گئی جو انہوں نے ٹھکراکر فورسز پر گولیاں چلائیں۔انہوں نے بتایا کہ جھڑپ کے دوران دو جنگجو ﺅں کو ہلاک کر دیا گیا جن کی نعشیں جھڑپ کے مقام سے ملی ۔ انہوں نے بتایا کہ دونوں جنگجوﺅں کی فوری طورپر شناخت نہیںہو سکی جس کیلئے کارورائی جاری ہے ۔