جموں میں حیدرپورہ ہلاکتوں کےخلاف محبوبہ مفتی کا احتجاج

عدالتی تحقیقات اور خاطیوں کو سخت سزا دینے کی مانگ/ جموںمیں پی ڈی پی صدر و سابق وزیر اعلیٰ محبوبہ مفتی نے پارٹی لیڈران کے ہمراہ حیدر پورہ جھڑپ میں عام شہریوں کی مبینہ ہلاکت کے خلاف احتجاج کیا۔بدھوار کو پی ڈی پی دفتر کے باہر محبوبہ مفتی نے پارٹی لیڈروںکے ساتھ احتجاج کیا اور کہاکہ سوموار کو حیدرپورہ جھڑپ میں3شہری مارے گئے ہیں۔ انہوںنے کہا کہ ’حکومت عسکریت پسندی کے نام پر شہریوں کو مارتی ہے جس کیلئے ’میں احتجاج کر رہی ہوں اور یہ کوئی نہیں جانتا کہ عسکریت پسند مارے جا رہے ہیں“۔ ذرائع ابلاغ سے وابستہ نمائندوں کو محبوبہ مفتی نے کہاکہ ’یہ بدقسمتی کی بات ہے کہ حیدر پورہ جھڑپ میں3 شہری مارے گئے، معرکہ آرائیوں میں مارے جانے والے شہریوں کو بالائے زمین ورکرگردانا اب ایک فیشن بن گیا ہے، ان کے پاس یہ ظاہر کرنے کا کوئی ثبوت نہیں ہے کہ وہ بالائی زمین ورکر تھے۔سابق وزیرا علیٰ نے کہاکہ ایسے واقعات سے ہمارے خلاف لوگوںکا غصہ مزید پایاجاتا ہے ، ہم ان ہلاکتوں کی عدالتی تحقیقات کرنے کی مانگ کرتے ہیںاور قصورواروں کو سخت سزا دی جائے۔ محبوبہ مفتی نے بھاجپا کوہدف تنقید بناتے ہوئے کہا کہ ”جموں و کشمیر کے مسئلہ کو فوجی طاقت کے بل بوتے پرحل کرنا کی بی جے پی کی حکمت عملی غلط ہے،اگر جموں و کشمیر کے لوگ جھک جاتے تو 1947 میں پاکستانی حملے کے سامنے سینہ سپر ہوکر کھڑے نہ ہوتے“۔