ناراناگ میں ابتر موسم کی وجہ سے 3ٹریکر پھنس گئے

ایک کی پیر پھسل کر موت ، دو ہنوز لاپتہ، بچاﺅ کارروائی جاری
سرینگر/گنگبل ناراناگ گاندربل میں ٹریکنگ کے دوران تین افراد لاپتہ ہوئے ہیں جن میں سے ایک کی موت واقع ہوئی ہے جبکہ دیگر دو ابھی بھی لاپتہ ہے ۔ اس بیچ پولیس نے مقامی لوگوں کی مدد سے بچاﺅ کارروائی شروع کردی ہے اور آخری اطلاع ملنے تک کسی کو بازیاب نہیں کیا گیا تھا۔ تفصیلات کے مطابق وسطی کشمیر کے ضلع گاندربل کے سیاحتی مقام گنگبل ناراناگ میں موسمی کی ابتر صورتحال کے بعد وہاں پر ٹریکنگ کےلئے گیا ایک گروپ پہاڑی علاقہ میں پھنس گیا ۔ اس گروپ میں ایک شہری دلی کا ، ایک چرواہا اور ایک شخص کی شناخت ابھی نہیں ہوئی ہے ۔ ٹریکنگ پر گئے افراد میں سے ایک کی موت واقع ہوئی ہے جس کی شناخت 44سالہ روہت سیال ساکن دلی کے بطور ہوئی ہے ۔ معلوم ہوا ہے کہ جو لوگ وہاں پھنسے ہیں ان میں ایک مقامی چراواہا ہے جبکہ دوسرے کی شناخت ابھی تک نہیں ہے ۔ یہ دونوں ابھی لاپتہ بتائے جاتے ہیں جبکہ دلی کا شہری خراب موسم کے دوران پہاڑی سے پھسل کر لقمہ اجل بن گیا تھا ۔ اس بیچ پولیس نے بچاﺅ کارروائیاں شروع کردی ہے تاہم دو لاپتہ افراد کو ابھی تک بازیاب نہیں کیا گیا ہے ۔