آئندہ  روزگار میلہ 26؍ اپریل  کو وزیر اعظم  مودی 51,000 سے زیادہ تقرری خط تقسیم کریں گے

 نئی دہلی//وزیر اعظم جناب نریندر مودی 26 اپریل 2025 کو صبح تقریباً 11 بجے ویڈیو کانفرنسنگ کے ذریعے مختلف سرکاری محکموں اور تنظیموں میں 51,000 سے زیادہ نئے تعینات ہونے والے نوجوانوں کو تقرری کے خطوط تقسیم کریں گے۔ اس موقع پر وہ اجتماع سے خطاب بھی کریں گے۔روزگار کے مواقع پیدا کرنے کو سب سے زیادہ ترجیح دینے کے وزیر اعظم کے عزم کے مطابق، 15 واں روزگار میلہ ملک بھر میں 47 مقامات پر منعقد کیا جائے گا۔ یہ نوجوانوں کو بااختیار بنانے اور قومی ترقی میں موثر کردار ادا کرنے کے لیے بامعنی مواقع فراہم کرے گا۔ملک بھر سے منتخب ہونے والے نئے بھرتیاں مرکزی حکومت میں مختلف وزارتوں/محکموں میں شامل ہوں گے جن میں محکمہ محصولات، وزارت عملہ اور عوامی شکایات اور پنشن، وزارت داخلہ، محکمہ ڈاک، محکمہ اعلیٰ تعلیم، وزارت ریلوے، وزارت محنت اور روزگار شامل ہیں۔