لفٹینٹ گورنر نے آرمی چیف اورآرمی کمانڈر ناردرن کمانڈ کے ساتھ سیکورٹی منظر نامے کا جائیزہ لیا

لفٹینٹ گورنر مسٹر منوج سنہا نے آرمی کے چیف جنرل اپیندر دویدی سے کہا کہ وہ نہ صرف پہلگام دہشت گردی کے حملے کے ذمہ داروں کو سزا دینے کیلئے موثر اقدامات کریں بلکہ دہشت گردی اور اس کے ماحولیاتی نظام کے انفراسٹرکچر کو کچلنے کی کوششوں کو بھی تیز کریں ۔ ملاقات کے دوران لفٹینٹ گورنر نے کہا کہ قوم کو ہماری فوج ، پولیس اور سی اے پی ایفز کی بہادری پر مکمل اعتماد ہے اور انہیں پہلگام دہشت گردانہ حملے میں ملوٹ ملی ٹینٹوں اور اوور گراو¿نڈ ورکروں کی شناخت کیلئے قریبی ہم آہنگی سے کام کرنا چاہئیے ۔ لفٹینٹ گورنر نے فوج کے اعلیٰ عہدیداروں سے کہا کہ پہلگام دہشت گردی حملے میں ملوث ملی ٹینٹوں اور ان کے حامیوں کو کسی بھی قیمت پر بخشا نہ جائے اور انہیں ہمارے شہریوں کے خلاف بزدلانہ اور گھناونی حرکتوں کی بھاری قیمت ادا کرنی ہو گی ۔ میٹنگ میں سیکورٹی میکانزم ، مختلف قلیل مدتی ، طویل مدتی اقدامات اور مختلف سیکورٹی ایجنسیوں کے مابین انضمام اور ہم آہنگی کا بھی جائیزہ لیا گیا ۔ میٹنگ میں آرمی چیف جنرل اوپیندر دویدی ، جی او سی انچارج ناردرن کمانڈ لفٹینٹ جنرل ایم وی سچندر کمار ، ڈپٹی چیف آف آرتمی سٹاف لفٹینٹ جنرل پراتک شرما اور جی او سی 15 کارپس لفٹینٹ جنرل پرشانت شریواستو نے شرکت کی ۔