وزیر اعلیٰ نے جموں و کشمیر کے رہایشیوں کی حفاظت کو یقینی بنانے کیلئے ملک بھر میںاپنی کابینہ کے ساتھیوں کی تعیناتی کی

سرینگر 25 اپریل 2025 ئ
حالیہ واقعات کی روشنی میں اور ملک کے مختلف حصوں میں مقیم جموں و کشمیر سے تعلق رکھنے والے طلباءاور کاروباری اداروں کے مابین سلامتی کے احساس کو تقویت دینے کیلئے وزیر اعلیٰ عمر عبداللہ نے آج ہندوستان کے کلیدی شہروں میں کابینہ کے وزراءکی تعیناتی کی ہدایت دی ۔
حکومت جموں و کشمیر کے ان سینئر نمائندوں کو متعلقہ ریاستی حکومتوں میں اپنے ہم منصبوں کے ساتھ مل کر ہم آہنگی کی ذمہ داری سونپی گئی ہے ۔ انہیں کہا گیا ہے کہ وہ جموں و کشمیر سے باہر تعلیم حاصل کر رہے طلباءاور کاروباریوں کی حفاظت کو یقینی بنائیں ۔
وزیر اعلیٰ نے کہا کہ اس وقت دیگر ریاستوں میں اپنے طلباءاور تاجروں کے مابین سیکورٹی کا احساس پیدا کرنے کے پیش نظر میں نے اپنے کابینہ کے وزراءکو ملک بھر کے مختلف شہروں میں بھیج دیا ہے ۔ ان دوروں کا مقصد متعلقہ ریاستی حکومتوں کے ساتھ کوششوں کو مربوط کرنا اور جموں و کشمیر کے رہائشیوں کی حفاظت اور فلاح و بہبود کو یقینی بنانا ہے ۔