جے شنکر اور بلنکن کا کواڈ کے ذریعہ ہند-بحرالکاہل خطہ میں تعاون کو فروغ دینے پر تبادلہ خیال

وزیر خارجہ ایس جے شنکر اور امریکی وزیر خارجہ انٹونی بلنکن کے درمیان دو طرفہ میٹنگ ہوئی، جس میں دونوں نے ہند-بحرالکاہل خطے میں باہمی کوشش اور کواڈ کے ذریعہ تعاون کو مزید مستحکم بنانے کی کوششوں پر تبادلہ خیال کیا۔دونوں نے ہفتہ کو روم میں جی 20 ایونٹ کے علاوہ ملاقات کی۔ جے شنکر نے ملاقات کے بعد ایک ٹوئٹ کے ذریعہ کہا، کہ ”ریاست ہائے متحدہ امریکہ کے وزیر خارجہ بلنکن کے ساتھ روم میں جی 20-چوٹی کانفرنس کے موقع پر بہت اچھی ملاقات ہوئی۔ اس دوران اپنی شراکت داری سے متعلقہ امور کی ایک وسیع سیریز پر بات چیت کی۔ایک ٹوئٹ میں بلنکن نے بھی کہا کہ "میں نے ہند-بحرالکاہل تعاون کو دو طرفہ اور کواڈ کے ذریعہ مضبوط کرنے کی کوششوں پر تبادلہ خیال کرنے کے لئے ڈاکٹر جے شنکر سے ملاقات کی۔ میں امریکہ-ہندوستان جامع عالمی اسٹریٹجک پارٹنرشپ کو گہرا کرنے کے لیے مل کر کام کرنے کی توقع کرتا ہوں۔امریکی محکمہ خارجہ کے ترجمان نیڈ پرائس کے مطابق دونوں سیاستدانوں نے امریکہ اور ہندوستان کے درمیان جامع عالمی اسٹریٹجک شراکت داری کو گہرا کرنے کی کوششوں پر بات چیت کے لیے ملاقات کی۔ اس کے علاوہ ان کی گفتگو کے دیگر موضوعات میں کورونا ویکسین کو زیادہ سے زیادہ لوگوں تک پھیلانا، سی او پی 26 میں آب و ہوا کے تعلق سے اپنی حکمت عملی کو وسعت دینا، اپنے باہمی عزائم اور تعاون کو مضبوط بنانا شامل تھا۔