ایک خاتون شدید زخمی ، علاقے میں کہرام
سرینگر/شمالی کشمیر کے سوپور قصبہ میں اتوار کے روز ایک رہائشی مکان میں آگ کی ایک واردات میں کمسن بچی جھلس کر لقمہ اجل بن گئی جبکہ اس واردات میں ایک خاتون زخمی ہوئی ہے جس کا علاج و معالجہ چل رہا ہے ۔وائس آف انڈیا کے مطابق شمالی کشمیر کے ضلع بارہمولہ میں قصبہ سوپور کے تارزو علاقے میں اتوار کو ایک رہائشی مکان میں آگ لگنے سے ایک نابالغ لڑکی کی موت ہو گئی اور ایک خاتون زخمی ہو گئی۔ذرائع نے بتایا کہ رہائشی مکان سے اچانک آگ نمودار ہوئی اگرچہ مقامی لوگوں نے آگ پر قابو پانے کی کوشش کے دوران فائر اینڈ ایمرجنسی عملہ کو طلب کیا تاہم تب تک ایک کمسن بچی آگ کی لپیٹ میں آچکی تھی جس کی موقت واقع ہوئی ہے ۔ مہلوک کی شناخت ردہ تنویر دختر تنویر احمد لون ساکن وانی گام پٹن کے بطور ہوئی ہے جبکہ زخمی خاتون کی شناخت رفیقہ بیگم کے بطور ہوئی ہے ۔ اس واقعے کی وجہ سے علاقہ میں کہرام مچ گیا جبکہ آگ لگنے کی وجہ گیس لیکن ہونا بتایا جاتا ہے ۔ پولیس نے اس ضمن میں رپورٹ درج کرلی ہے ۔
