دفعہ 370کے بعد جموں کشمیر میں ترقیاتی منظر نامہ تبدیل ہوا

خطے دہشت گردی اور علیحدگی پسندی کی وجہ سے 45 ہزار سے زیادہ لوگ جان سے ہاتھ دھو بیٹھے
سیاسی جماعتوں نے جموں کشمیر کے لوگوں کا اپنے مفاد کےلئے استحصال کیا۔ مرکزی وزیر انوراگ ٹھاکر
سرینگر///مرکزی وزیر انوراگ ٹھاکر نے کہا ہے کہ جموں کشمیر کو ایک ماڈل یوٹی کے طور پر ترقی دی جائے گی ۔ انہوںنے بتایا کہ مقامی روایتی جماعتوںنے جموں کشمیر کے لوگوں کا استحصال کیا اور دہائیوں تک انہیں مرکز سے دور رکھا ۔ ٹھاکر نے بتایا کہ مودی سرکار نے جموں کشمیر کےلئے کئی خصوصی سکیموں کو چلایا جس کی بدولت جموں کشمیر میں ترقیاتی منظر نامہ تبدیل ہوا ہے اور آج اس کی الگ پہنچا بن رہی ہے ۔ انہوںنے بتایا کہ جموں کشمیر کے نوجوان ہونہار اور قابل ، ذہین ہے جن کو سیاسی جماعتوں نے اپنے مفاد کی خاطر غلط راستے پر چلایا تھا تاہم آج کا نوجوان سمجھ رہا ہے کہ صحیح راستہ کونسا ہے اور کون سی جماعت صحیح ٹریک پر جارہی ہے ۔ وائس آف انڈیا کے مطابق انوراگ ٹھاکر نے کہا کہ مودی حکومت نے جموں و کشمیر کی ترقی کے لیے بہت سی اسکیمیں شروع کیں۔ جموں و کشمیر کو پچھلی حکومتوں نے دہشت گردی کا گڑھ بنا رکھا تھا۔ ریاست میں دہشت گردی اور علیحدگی پسندی کی وجہ سے 45 ہزار سے زیادہ لوگ جان سے ہاتھ دھو بیٹھے۔مرکزی وزیر انوراگ ٹھاکر بدھ کو جموں پہنچے جہاں جموں ہوائی اڈے پر ریاستی بی جے پی لیڈروں نے ان کا استقبال کیا۔ اس کے بعد انوراگ ٹھاکر بذریعہ سڑک ادھم پور روانہ ہوگئے۔ ادھم پور میں انہوں نے مرکزی وزیر اور بی جے پی امیدوار ڈاکٹر جتیندر سنگھ کی حمایت میں مہم چلائی۔اس دوران اودھم پور شہر میں بی جے پی کی جانب سے ایک ریلی کا انعقاد بھی کیا گیا۔ یہ ریلی امبیڈکر چوک جکھینی سے شروع ہو کر شہر کے مختلف چوکوں اور چوراہوں سے ہوتی ہوئی ضلع پارٹی دفتر پر اختتام پذیر ہوئی۔ میڈیا سے بات چیت کرتے ہوئے انوراگ ٹھاکر نے کہا کہ مودی حکومت نے جموں و کشمیر کی ترقی کے لیے بہت سی اسکیمیں شروع کیں۔مرکزی وزیر نے کہا کہ جموں و کشمیر کو پچھلی حکومتوں نے دہشت گردی کا مرکز بنایا تھا۔ ریاست میں دہشت گردی اور علیحدگی پسندی کی وجہ سے 45 ہزار سے زیادہ لوگ جان سے ہاتھ دھو بیٹھے۔ بی جے پی حکومت نے آرٹیکل 370 اور 35 اے کو ہٹا کر ریاست میں ترقی کی نئی جہتیں قائم کیں۔ ریاست میں سیاحوں کی تعداد بہت زیادہ ہے۔ روزگار اور خود روزگار کے مواقع بڑھے ہیں۔انوراگ ٹھاکر نے بتایا کہ وزیر اعظم نے قصد کرلیا ہے کہ جموں کشمیرکو ایک ماڈل یوٹی کے طور پر ترقی دی جائے گی ۔ ٹھاکر نے بتایا کہ جموں کشمیر کے نوجوان ہونہار اور کافی ذہین بھی ہے تاہم ان کو سیاسی جماعتوں نے اپنے مفاد کےلئے غلط راہ پر چلایا تھا لیکن اب ایسا نہیں ہے آج کے نوجوان صحیح اور غلط کا فرق محسوس کررہے ہیں اور کون سی جماعت صحیح ٹریک پر ہے وہ جانتے ہیں ۔