بجلی کی آواجاہی سے مقامی لوگ و تاجر پریشان
سرینگر/27 فروری// جنوبی کشمیر کے متعدد علاقوں میں بجلی کی آوجاہی کے نتیجے میں مقامی لوگوں کو سخت مشکلات کا سامنا کرنا پڑ رہا ہے۔وائس آف انڈیا کے مطابق اننت ناگ کے چندری گام عشمقام اور اس کے ملحقہ علاقوں کے لوگوں نے بتایا کہ گزشتہ ایک ہفتے سے ان علاقوں میں غیر اعلانیہ بجلی کٹوتی نے مقامی لوگوں کو سخت پریشان کر رکھا ہے۔انہوں نے کہا کہ محکمہ بجلی،اعلان شدہ شیڈول کو کسی بھی طور پر کاطر میں نہیں لا رہی ہے اور بجلی دن میں دو تین دفعہ منہ دکھا کر چلی جا رہی ہے۔ محمد امین نامی مقامی شہری نے بتایا کہ مارچ میں طلاب کے امتحانات بھی شروع ہو رہے ہیں جبکہ سرد ترین موسمی ایام کا سلسلہ بھی جاری ہے،تاہم محکمہ بجلی بھاری فیس کی وصولی کے باوجود بھی مقامی شہریوں اور صارفین کو نظر انداز کر رہی ہے۔محمد امین نے بتایا کہ مریضوں کی حالت بھی بہت خراب ہے ،کیونکہ دمے کے مریضوں کو آکسیجن کنسنٹیٹروں کیلئے جب بجلی دستیاب ہی نہیں ہے تو وہ کیا کریں گے۔ نیاز احمد نامی ایک تاجر نے بھی بتایا کہ بجلی کی آوا جاہی کے نتیجے میں ان کے کاروبار اور تجارت کو سخت نقصانات پہنچ رہے ہیں،تاہم سرکار انکی اپیلوں اور درخواست کو خاطر میں نہیں لا رہی ہے۔
