مقامی آبادی کے ساتھ ساتھ سیلانیوں کو سخت مشکلات کا سامنا
سرینگر // جنوبی کشمیر کے ضلع اننت ناگ کے سیاحتی مقام مامل پہلگام میں مواصلاتی نظام نہ ہونے کے نتیجے میں مقامی آبادی کے ساتھ ساتھ سیلانیوں کو سخت مشکلات کا سامناکرنا پڑرہا ہیں۔ وائس آف انڈیا کے مطابق مقامی آبادی نے مطالبہ کیا ہے کہ مامل پہلگام میں مواصلاتی ٹاور نصب کیا جائے۔ سیاحتی مقام مڈلن پہلگام دورِ جدید میں بھی موصلاتی نظام سے محروم ہے جس کے نتیجے میں آبادی کے ساتھ ساتھ ہر روز آرہے سیلانیوں کو سخت مشکلات کا سامنا کرنا پڑرہا ہے مقامی شہری بشیر احمد میر نے وی او آئی نمائندے امان ملک کے ساتھ بات کرتے ہوئے کہا کہ مامل اگرچہ ایک صحت افزائ مقام ہونے کے ساتھ ساتھ اپنی خوبصور تی میں پوری دنیا میں ایک منفرد مقام رکھتا ہے تاہم سرکار نے قدرت کے حسن سے ملا مال اس سیاحتی مقام کو پس پشت ڈال کر مکمل طور نذر انداز کیاہے جس کی وجہ سے روزانہ مقامی سیلانیوں میں کافی کمی محسوس کی جارہی ہیں جبکہ مواصلاتی نظام کی عدم دستیابی کے باعث مقامی آبادی اور سیلانیوں کو سخت دقعتوں کا سامنا کرنا پڑ رہا ہے مقامی لوگوں نے سرکار سے مطالبہ کیا ہے کہ مامل میں جیو، ائیر ٹیل، بی ایس این ایل موبائیل ٹاور نصب کرنے کیلئے فوری کاروائی کی جائے تاکہ مقامی آبادی اور سیلانیوں کو مشکلات کا سامنا نہ کرنا پڑے گا۔
