سری نگر، کولگام، اننت ناگ اور جموں میں بارہ مقامات پر چھاپہ ماری، نقدی 20لاکھ اور قابل اعتراض مواد ضبط :این آئی اے ترجمان

سری نگر/ این آئی اے نے ہفتے کے روز ٹیرر فنڈنگ کیس کے سلسلے میں کالعدم تنظیم جماعت اسلامی کے خلاف کریک ڈا?ن جاری رکھتے ہوئے جموں وکشمیر میں متعدد مقامات پر چھاپے مارے۔تفتیشی ایجنسی کے مطابق چھاپہ ماری کے دوران 20لاکھ روپیہ نقدی، ڈیجیٹل اور قابل اعتراض مواد برآمد کرکے ضبط کیا گیا ہے۔این آئی اے کے ایک ترجمان نے بتایا کہ ہفتے کی صبح تفتیشی ایجنسی نے سری نگر میں پانچ ، بڈگام میں تین، کولگام میں دو، اننت ناگ میں ایک اور جموں کئی مقامات پر چھاپے مارے۔انہوں نے بتایا کہ چھاپوں کے دوران قابل اعتراض مواد جس میں جماعت اسلامی اور اس کے ٹرسٹس سے جڑے ڈیجیٹل مواد اور 20لاکھ روپیہ نقدی کو بھی برآمد کرکے ضبط کیا گیا ہے۔موصوف ترجمان نے بتایا کہ پانچ فروری 2021کو درج ہونے والے کیس کی تحقیقات کے دوران یہ بات سامنے آئی ہے کہ کالعدم تنظیم پر فروری 2019میں پانبدی عائد کرنے کے باوجود بھی جموں وکشمیر میں دہشت گرد اور علیحدگی پسند سرگرمیوں کو فروغ دینے میں جماعت اسلامی پیش پیش رہی ہے۔انہوں نے مزید بتایا کہ اس ممنوع تنظیم سے وابستہ آپریٹو بھارت اور بیرون ممالک سے چندہ جمع کر رہے تھے۔انہوں نے بتایا کہ زاکواة، موضع اور بیت المال کی شکل میں جمع فنڈز کا مقصد خیراتی اور دیگر فلاحی سرگرمیوں جیسے صحت اور تعلیم کے فروغ کے لئے استعمال میں لانا مقصود تھا لیکن این آئی اے کے مطابق اس کا ستعمال پر تشدد اور علیحدگی پسند سرگرمیوں کو فروغ دینے کی خاطر استعمال میں لایا جارہا تھا۔انہوں نے مزید بتایا کہ جماعت اسلامی کی طرف سے اکھٹا کئے گئے فنڈز دیگر کالعدم دہشت گرد تنظیموں جیسے حزب المجاہدین، لشکر طیبہ وغیرہ جیسی تنظیموں کو جماعت اسلامی کے اراکین کے منظم نیٹ ورک کے ذریعے بھیجا جا رہا تھا۔جماعت اسلامی علیحدگی پسند سرگرمیوں کو فعال کرنے کی خاطر نوجوانوں کی حوصلہ افزائی کرنے میں پیش پیش رہے تاکہ جموں وکشمیر میں نئے اراکین کو شامل کرکے غیر قانونی سرگرمیوں کو انجام دیا جاسکے۔ترجمان کے مطابق این آئی اے نے اس کیس میں چار ملزمان کے خلاف عدالت مجاز میں چارج شیٹ داخل کیا جبکہ اس کیس کی تحقیقات جاری ہے۔