مرکزی حکومت ہندوستان  کو اسٹریٹجک معیشت بنانے کے لیےگھریلو دفاعی صنعتی ماحولیاتی نظام کی مضبوط بنیاد تیار کر رہی ہے ۔ راج ناتھ سنگھ

 تیز پور/  مرکزی وزیر  دفاعجناب راج ناتھ سنگھ نے کہا ہے کہ حکومت ہندوستان کو ایک اسٹریٹجک معیشت بنانے کے لیے گھریلو دفاعی صنعتی ماحولیاتی نظام کی مضبوط بنیاد تیار کر رہی ہے۔ تیز پور میں تیز پور یونیورسٹی کے 21 ویں کانووکیشن تقریب سے خطاب کرتے ہوئے، رکشا منتری نے کہا، وزارت دفاعی شعبے میں خود کفیل بننے کے ہدف کو حاصل کرنے کے لیے تمام کوششیں کر رہی ہے۔دفاع میں آتم   نربھرتا کو حاصل کرنے کے لیے وزارت دفاع کی طرف سے اٹھائے گئے مختلف اقدامات پر روشنی ڈالتے ہوئے جناب راج ناتھ سنگھ نے زور دیا کہ پہلی بار ہتھیاروں کی درآمد پر پابندی لگائی گئی۔ "ہم نے پانچ مثبت مقامی فہرستیں جاری کیں، جس کے تحت ایسے 509 دفاعی آلات کی نشاندہی کی گئی ہے، جن کی تیاری اب مقامی طور پر کی جائے گی۔ اس کے علاوہ، ہم نے دفاعی پبلک سیکٹر انڈرٹیکنگس کی 4 مثبت انڈیجنائزیشن کی فہرستیں بھی جاری کی ہیں، جس میں 4,666 اشیاء کی نشاندہی کی گئی ہے جو اب ہمارے ملک میں تیار کی جائیں گی۔ ملکی دفاعی مینوفیکچرنگ پر حکومت کی توجہ کو اجاگر کرتے ہوئے، انہوں نے حوالہ دیا کہ پہلی بار پیداوار نے  ایک لاکھ  کروڑروپے کے ریکارڈ کو عبور کیا ہے۔ ہندوستان کی دفاعی برآمدات کی کل مالیت، جو 2016-17 میں 1,521 کروڑ روپے تھی، تقریباً 10 گنا بڑھ کر 2022-23 میں 15,920 کروڑ روپے کی ریکارڈ سطح تک پہنچ گئی ہے۔جناب راج ناتھ سنگھ نے کسی بھی صورت حال سے نمٹنے کے لیے موجودہ حکومت کے فعال رویہ کی وضاحت کی، جس نے اعتبار کے بحران کو اعتماد کی ثقافت سے بدل دیا ہے۔ "بھارت اب "ہونے دو” کے رویے کا روادار نہیں ہے۔ آج، وزیر اعظم جناب نریندر مودی کی قیادت میں، نیا ہندوستان "چلو یہ کریں” کے نقطہ نظر پر یقین رکھتا ہے۔خواتین کو بااختیار بنانے کے معاملے پر، جناب راج ناتھ سنگھ نے کہا، حکومت نے فوج سمیت تمام شعبوں میں خواتین کی مناسب نمائندگی کو یقینی بنانے کے لیے اقدامات کیے ہیں۔ آج خواتین ملک کے ہر میدان میں مردوں کے ساتھ کندھے سے کندھا ملا کر چل رہی ہیں۔ لڑاکا طیاروں سے لے کر چندریان تک، کوئی ایسا میدان نہیں ہے جس میں خواتین کی موجودگی نہ دیکھی گئی ہو۔ملک کو وکست بھارت بنانے میں نوجوانوں کے اہم رول پر روشنی ڈالتے ہوئے، رکشا منتری نے کہا، ہندوستان کو اقتصادی اور فوجی سپر پاور بنانے کا خیال باصلاحیت نوجوانوں کی صلاحیتوں پر اعتماد پر مبنی ہے۔ انہوں نے مزید کہا، "نوجوانوں کو بااختیار بنانے اور ان کی صلاحیتوں کو بڑھانے کے لیے، ہماری حکومت نے اسٹارٹ اپ کلچر اور اختراعی ماحولیاتی نظام کو فروغ دیا ہے۔دفاعی صنعتی سیکٹر میں وزارت کی طرف سے شروع کیے گئے اسٹارٹ اپ کلچر کا ذکر کرتے ہوئے جناب راجناتھ سنگھ نے کہا کہ دفاع کے لیے اختراع (iDEX) اپنے آغاز سے ہی اختراعی خیالات کو کامیابی کے ساتھ فروغ دے رہا ہے۔ انہوں نے کہا، "حکومت کی طرف سے نوجوانوں میں کاروباری صلاحیت کو فروغ دینے کی مختلف کوششوں کی وجہ سے، آج ملک میں ایک لاکھ سے زیادہ اسٹارٹ اپس ہیں۔