ڈاکٹر جتیندر سنگھ  کٹھوعہ میں "وکست بھارت سنکلپ یاترا”   تقریب میں شرکت کی

 کٹھوعہ/مرکزی وزیر مملکت (آزادانہ چارج) سائنس اور ٹیکنالوجی  ڈاکٹر جتیندر سنگھ نے آج شہریوں پر زور دیا کہ وہ "وکست بھارت سنکلپ یاترا”  کے اسٹیک ہولڈر بنیں، یہ کہتے ہوئے کہ یہ ذہنیت میں تبدیلی کے ساتھ زندگیوں کو بدل رہا ہے۔انہوں نے کہا کہ  شہریوں کو اب بااختیار بنایا جا رہا ہے اور وکست بھارت سنکلپ یاترا وین کے ذریعے ان کی دہلیز پر خدمات کی فراہمی سے ان کی عزت میں اضافہ ہوا ہے۔وزیر موصوف  جموں و کشمیر کے کٹھوعہ ضلع میں آریہ سماج کے زیراہتمامڈی اے وی  سینئر سیکنڈری اسکول میں ایک اجتماع سے خطاب کر رہے تھے۔ انہوں نے کہا کہ یاترا کے ذریعے، یو ٹی  کے دور دراز علاقوں میں رہنے والے لوگوں کو ان کی ذات، رنگ یا نسل سے قطع نظر فائدہ حاصل ہو رہا ہے۔وزیر موصوف نے کہا کہ سماج کے وہ طبقے جنہیں نظر انداز کیا گیا  وہ اب سرکاری اسکیموں کے مستفید ہیں۔ انہوں نے مزید کہا کہ پی ایم سواندھی اسکیم کے تحت اسٹریٹ وینڈرز کو فراہم کیے جانے والے قرضوں نے انہیں وقار کے ساتھ اور پائیدار طریقے سے اپنی روزی روٹی کمانے کے قابل بنایا ہے۔ اسی طرح پی ایم وشوکرما یوجنا  بُنکروں اور کاریگروں کو فائدہ پہنچا رہی ہے۔ڈاکٹر جتیندر سنگھ نے اعلان کیا کہ کٹھوعہ کو نہ صرف جموں و کشمیر بلکہ ملک کے دیگر حصوں کے لیے ایک ماڈل ضلع بنانے کے لیے کئی محاذوں پر ترقی کی جا رہی ہے۔ انہوں نے اس بات پر زور دیا کہ پچھلے دس سالوں میں ادھم پور- کٹھوعہ حلقہ کی طرح کسی اور حلقے نے ہمہ گیر ترقی نہیں دیکھی۔ ڈاکٹر سنگھ نے اعلان کیا کہ مچھلی کی کھیتی کی حوصلہ افزائی کے لیے منصوبے جاری ہیں تاکہ یہ مشہور ٹراؤٹ اقسام کے برآمدی مرکز کے طور پر ابھرے۔ انہوں نے کہا کہ پنجاب اور دہلی سمیت ریاستوں میں تیز رفتار اور پریشانی سے پاک سفر کے لیے ضلع کے اندر اور باہر سڑک کے رابطے کو بہتر بنایا جا رہا ہے۔قبل ازیں مرکزی وزیر نے پی ایم آواس یوجنا کے استفادہ کنندگان کو نئے مکانات کی چابیاں پیش کیں۔ ڈاکٹر سنگھ نے بتایا کہ یوجنا کے تحت ملک میں 5 کروڑ سے زیادہ گھر بنائے گئے ہیں۔انہوں نے سوہانی سردی آندولن کے تحت 100 سے زائد طلباء میں سویٹر بھی تقسیم کئے۔ اس موقع پر ڈاکٹر سنگھ نے ضلع کے 20 طلباء کو بھی رخصت کیا جو ملک کے مختلف حصوں میں قومی سطح کے کھیلوں میں حصہ لیں گے۔