سرینگر اودھمپور ریل لنک کا 80فیصدی کام مکمل ،اگلے برس وادی کا ملک سے ریل رابطہ بحال ہوگا

سرینگر اودھمپور ریل لنک کا 80فیصدی کام مکمل کیا جاچکا ہے جبکہ رواں برس کے آخر تک سرینگر ، بارہمولہ ریل لنک اودھمپور کے ساتھ ملائی جائے گی اور اگلے برس کے ابتدائی مہینوں میں ہی کشمیر کا ملک کی دیگر ریاستوں کے ساتھ ریل کے ذریعے رابطہ مکمل ہوگا۔ ذرائع سے معلوم ہوا ہے کہ وادی کشمیرکو ریل لائن کے ساتھ ملک کی دوسری ریاستوں مرکزی زیراانتظام علاقوں کے ساتھ جوڑنے میںشمالی ریلوے نے اُدھمپورسے 80%کام مکمل کرلیاہے اور اس ضمن میں کھڑی سے بانہال تک ٹرائل کی گئی جو کامیاب رہی شمالی ریلوے کی جانب سے سنگلدان سمبل پروجیکٹ کاکام 80%مکمل کرلیاگیاہے جوآنے والے ایک ماہ کے دوران مکمل کیاجائےگا ۔ذرائع کے مطابق وادی کشمیرکوملکی مختلف ریاستوں مرکزی زیرانتظام علاقوں کے ساتھ جوڑنے کاکام رواں برس کے آخرتک پوراہوگا،جبکہ وزیراعظم دورہ جموں وکشمیرکے وقت اسکاافتتاح بھی کرینگے اور وادی کشمیرکوملک کی مختلف رہی ریاستوں کے ساتھ ریل کے ذریعے جوڑنے کی رسم انجام دینگے ۔شمالی ریلوے کے ایک سینئرافسرنے اس بات کی تصدیق کی 8.6کلومیٹرکاکام مکمل کرلیاگیاہے ا سپرپہلے ہی ٹرائل کی گئی اور رواں برس کے آخرتک اُدھمپورسرینگر بارہمولہ ریل لائن کومکمل کیاجائےگا ااور اس طرح کشمیر ریل رابطے کے ذریعے ملک کے ساتھ جوڑ دیاجائےگا ۔