ریلوے کوچ میں آتشزدگی سے 10 افراد ہلاک

مرنےوالے کے لواحقین کو 10 لاکھ روپے کی ایکس گریشیا ادا کی جا رہی ہے
مدورائی/ تمل ناڈو کے مدورائی میں آج علی الصبح ایک ریلوے کوچ میں آگ لگنے سے کم از کم 10 افراد ہلاک ہوگئے ۔مدورائی کے یارڈ میں کھڑا ریلوے کا یہ سلیپر کوچ ایک پرائیویٹ پارٹی کی طرف آئی آر سی ٹی سی کے ذریعے آن لائن بک کیا گیا تھا اور ایل پی جی سلنڈر غیر قانونی طور پر لے جانے کی وجہ سے یہ حادثہ پیش آیا۔ سدرن ریلوے کے ترجمان نے یہاں بتایا کہ واقعہ کی تحقیقات کا حکم دے دیا گیا ہے ۔ سدرن ریلوے کے جنرل منیجر، مدورائی کے ڈویژنل ریلوے منیجر اور اعلیٰ حکام پہنچ چکے تھے ۔ واقعے کے حوالے سے ترجمان نے کہا کہ ہفتہ کی صبح 5.15 بجے ایک پرائیویٹ پارٹی کی جانب سے بک کئے گئے کوچ میں آگ لگنے کی اطلاع ملی۔ یہ کوچ مدورائی یارڈ میں پارک کیا گیا تھی۔ فائر انجنوں کو فوری طور پر طلب کیا گیا جو صبح 5.45 بجے پہنچے اور صبح 7 بجے تک آگ پر قابو پالیا گیا۔ کسی اور کوچ کو کوئی نقصان نہیں پہنچا۔ اس حادثے میں 10 لوگوں کے ہلاک ہونے کی خبر ہے ۔ جبکہ 7 دیگر زخمی ہوئے ہیں جنہیں علاج کے لیے اسپتال لے جایا گیا ہے۔ترجمان نے کہا کہ اس مسافر قافلے نے 17 اگست کو لکھن¶ سے اپنا سفر شروع کیا تھا اور 16824 ایکسپریس کے ذریعے کل چنئی واپس لوٹنے والا تھا۔ اس کے بعد اسے وہیں سے لکھن¶ واپس آنا تھا۔ترجمان نے کہا کہ ریلوے کی طرف سے انسانی ہمدردی کی بنیاد پر ہر مرنے والے کے لواحقین کو 10 لاکھ روپے کی ایکس گریشیا ادا کی جا رہی ہے ۔