شنگھائی تعاون تنظیم کے سکریٹریٹ میں نئی دہلی ہال’ منی انڈیا ‘کی عکاسی کرتاہے۔ وزیر خارجہ

 نئی دلی/ وزیر  خارجہ جناب جے شنکروزیر خارجہ ایس جے شنکر نے منگل کو یہاں ایس سی او سیکرٹریٹ میں ایک شاندار ڈیزائن کردہ ‘ نئی دہلی ہال’ کا افتتاح کیا، جس میں انہوں نے کہا کہ ایک "منی ہندوستان” کو دکھایا گیا ہے اور اس سے ملک کی ثقافت کی بہتر تفہیم کو فروغ ملے گا۔جے شنکر کے ذریعہ ہال کا ورچوئل افتتاح اگلے ماہ شنگھائی کوآپریشن آرگنائزیشن (SCO) کے سربراہی اجلاس سے پہلے ہوا جو پہلی بار ہندوستان کی صدارت میں منعقد ہوگا۔چین، روس، قازقستان، کرغزستان، تاجکستان، ازبکستان، بھارت اور پاکستان پر مشتمل آٹھ رکنی ایس سی او گروپ کا سیکرٹریٹ بیجنگ کے اعلیٰ ترین سفارتی علاقے میں واقع ہے۔جب کہ چھ بانی ممبران چین، روس، قازقستان، کرغزستان، تاجکستان اور ازبکستان کے پاس اپنی ثقافتوں اور منفرد خصوصیات کو اجاگر کرنے والے اپنے ہال ہیں، بھارت اپنا  ‘نئی دہلی ہال’ شامل کرنے والا پہلا ملک ہے جو 4 جولائی  ایس  سی او سے پہلے سرکاری طور پر کھولا گیا ہے۔ سمٹ ورچوئل فارمیٹ میں منعقد کی جائے گی۔پاکستان کو اپنا ہال لگانے کے لیے اپنی باری کا انتظار کرنا پڑ سکتا ہے۔اپنے ویڈیو خطاب میں، جے شنکر نے کہا میں آج ایس سی او سیکرٹریٹ میں نئی دہلی ہال کا افتتاح کرتے ہوئے خوشی محسوس کر رہا ہوں، ایس سی او کے سکریٹری جنرل اور دیگر معزز ساتھیوں کی حاضری کے درمیان”۔انہوں نے کہا کہ مجھے یہ جان کر خاص طور پر خوشی ہوئی ہے کہ یہ پہلی مرتبہ ایس سی او کی صدارت میں کیا جا رہا ہے جو جلد ہی ایس سی او سربراہی اجلاس کے ساتھ اختتام پذیر ہو گا۔جے شنکر نے کہا کہ نئی دہلی ہال کو ایس سی او سیکرٹریٹ میں ایک "منی انڈیا” تصور کیا گیا ہے اور یہ ہندوستانی ثقافت کے مختلف پہلوؤں کی نمائش کرے گا۔انہوں نے کہا، "آپ کو ہندوستان کی فنی روایت اور ثقافتی شناخت کی گہرائی کا اندازہ لگانے کے لیے، ہال کو شاندار نمونوں اور نقشوں کے ساتھ ڈیزائن کیا گیا ہے جو پورے ہندوستان میں پائی جانے والی فن تعمیراتی کاریگری کی نمائندگی کرتا ہے۔” انہوں نے کہا کہ ہال، اپنے روایتی ڈیزائن کے ساتھ، جسمانی اور ورچوئل دونوں شکلوں میں ملاقاتوں کی سہولت کے لیے جدید ٹیکنالوجی سے بھی لیس ہے۔”مجھے امید ہے کہ نئی دہلی ہال ایس سی او سیکرٹریٹ میں ایک مفید اضافہ ہو گا جو ایس سی او سیکرٹریٹ کے کثیر ثقافتی اور کثیر القومی کردار میں ہندوستانی رنگوں/ ذائقے کو بڑھا دے گا۔ انہوں نے کہا کہ یہ ہال ہندوستان کے واسدھائیوا کٹمبکم کے جوہر کو فروغ دینے کے عزم کا ثبوت ہوگا جس کا مطلب ہے ’’دنیا ایک خاندان ہے‘‘۔