مودی نے سعودی ولی عہد شہزادہ سلمان سے ٹیلیفون پر بات کی

نئی دہلی/ وزیر اعظم نریندر مودی نے سعودی عرب کے ولی عہد اور وزیر اعظم شہزادہ محمد بن سلمان بن عبدالعزیز آل سعود کے ساتھ ٹیلی فون پر بات چیت کی دونوں رہنماو¿ں نے دوطرفہ تعاون کے متعدد امور کا جائزہ لیا اور باہمی دلچسپی کے مختلف کثیر الجہتی اور عالمی امور پر تبادلہ خیال کیا مسٹر مودی نے اپریل 2023 میں جدہ کے راستے سوڈان سے ہندوستانی شہریوں کے انخلائ کے دوران سعودی عرب کے تعاون کے لیے ولی عہد محمد بن سلمان کا شکریہ ادا کیا۔وزیر اعظم نے آئندہ حج کے لیے نیک خواہشات کا اظہار بھی کیا۔ ولی عہد شہزادہ محمد بن سلمان نے جی-20 کے سربراہ کی حیثیت سے ہندوستان کے تمام پہل کے لئے اپنی مکمل حمایت کا اظہار کیا اور کہا کہ وہ ہندوستان کے اپنے دورے کے منتظر ہیں۔دونوں رہنماو¿ں نے ایک دوسرے کے ساتھ قریبی رابطے میں رہنے پر اتفاق کیا۔