لوگوں کے مسائل حل کرنا سرکاری کی اولین ترجیح

لوگوں کے مسائل سننا اور ان کے ازالہ کےلئے ”ایل جی ملاقات“ایک اہم ذریعہ
سرینگر/لیفٹیننٹ گورنر منوج سنہا نے کہا کہ لوگوں کے مسائل حل کرنا اور انہیں ہر ممکن بنیادی سہولیات فراہم کرنا سرکاری کی اولین ترجیح ہے ۔ عوامی ملاقات کے دوران ایل جی نے لوگوں کے مسائل سنے اور کئی ایک کو موقعے پر ہی حل کرنے کی ہدایت دیں ۔ لیفٹیننٹ گورنر منوج سنہا نے آج ایل جی ملاقات آن لائن پلیٹ فارم کے ذریعے لوگوں سے بات چیت کی اور ان کی شکایات سنیں۔اس موقعے پر ایل جی موصوف نے کہا کہ شہریوں کی شکایات کا بروقت ازالہ ہماری اولین ترجیح ہے اور اس مقصد کو حاصل کرنے کے لیے ایل جی ملاقات ایک موثر ذریعہ ہے۔لیفٹیننٹ گورنر نے شکایات کے ازالے کا جائزہ لیتے ہوئے کہاکہ ہمارے متحرک معاشرے کے ہر طبقے کی امنگوں کو پورا کرنے کے لیے ضلعی سطح پر اسکیموں کی تال میل اور نگرانی پر زور دیا۔انہوں نے بتایا کہ یہ چیلنجوں اور مواقع کا ایک نیا دور ہے اور ہر شہری کو قوم کی تعمیر میں اپنا حصہ ڈالنے کے لیے بااختیار بنایا جانا چاہئے ۔ جموں کے ایک شکایت کنندہ کی جانب سے تجاوزات کے حوالے سے شکایت پر ڈپٹی کمشنر جموں نے چیئرمین کو اس معاملے سے آگاہ کیا اور کہا کہ ریونیو ریکارڈ سے تصدیق کے بعد اس مسئلے کو جلد ہی حل کیا جائے گا۔اپنے گاو¿ں میں موجود تالاب کی صفائی سے متعلق کٹھوعہ سے تعلق رکھنے والے شیخ انور حسین کی شکایت پر لیفٹیننٹ گورنر نے اپنے علاقے کے صاف اور آلودگی سے پاک ماحول کو یقینی بنانے کے لیے مکینوں کی اجتماعی کوششوں کو متاثر کیا۔لیفٹیننٹ گورنر نے ایس ایم سی کمشنر کو ہدایت کی کہ وہ ڈمپنگ یارڈ سے تیز بدبو کی وجہ سے ہونے والی تکلیف کے بارے میں محترمہ ثمینہ مفتی کے شکایت رجسٹر کا فوری حل تلاش کریں۔لیفٹیننٹ گورنر نے سینئر عہدیداروں کو یہ بھی ہدایت دی کہ وہ زراعت اور اس سے منسلک شعبے کے ہولیسٹک ڈیولپمنٹ پلان کے تحت شروع کئے گئے تربیتی پروگرام کسان سمپرک ابھیان کے کم از کم ایک پروگرام میں شرکت کریں۔ایل جی ملاقات کی کارروائی ریحانہ بتول کمشنر سیکریٹری نے چلائی ۔ اس موقعے پر اٹل ڈولو سمیت کئی اداروں کے سربراہاں اور سینئر افسران بھی موجود تھے ۔