شورشرابے کی وجہ سے پارلےمنٹ 20مارچ تک ملتوی

کانگرےس کی رہنمائی مےں اپوزےشن جماعتوں کا احتجاج
نئی دہلی ،17مارچ / بھارتیہ جنتا پارٹی (بی جے پی) کے ارکان نے ہندوستان کی جمہوریت کے حوالے سے لندن میں دیے گئے بیان پر کانگریس رہنما راہول گاندھی سے معافی مانگنے کا مطالبہ کیا اور اڈانی گروپ سے متعلق معاملے کی مشترکہ پارلیمانی کمیٹی (جے پی سی) سے تحقیقات کا مطالبہ کیا۔ کانگریس سمیت کچھ اپوزیشن جماعتوں کے ارکان نے جمعہ کو مسلسل پانچویں دن لوک سبھا میں ہنگامہ کیا۔ ایوان کی کارروائی شروع ہونے کے تقریباً 20 منٹ بعد حکمراں جماعت اور اپوزیشن جماعتوں کے ہنگامہ آرائی کے باعث دن بھر کے لیے ملتوی کرنا پڑی۔پیر کو شروع ہونے والے پارلیمنٹ کے بجٹ اجلاس کے دوسرے مرحلے میں اپوزیشن اور حکمراں پارٹی کے ہنگامہ آرائی کی وجہ سے لوک سبھا میں وقفہ سوالات اور کی کارروائی مسلسل پانچویں دن بھی روک دی گئی اور دیگر کام نہ ہو سکا۔اس دوران کانگریس اور کچھ دیگر اپوزیشن پارٹیوں کے ارکان مےز کے قریب آئے اور اڈانی گروپ سے متعلق معاملے کی جے پی سی جانچ کا مطالبہ کرتے ہوئے نعرے لگانے لگے۔ دوسری جانب حکمراں جماعت کے کچھ ارکان نے اپنی جگہوں پر کھڑے ہو کر راہول گاندھی سے بیرون ملک ہندوستانی جمہوریت کے بارے میں بیان پر معافی مانگنے کا مطالبہ کیا۔ کانگریس لیڈر تیواری نے تاہم نشاندہی کی کہ ایوان میں ضمنی سوالات پوچھنے کا کوئی انتظام نہیں ہے۔لوک سبھا اسپیکر اوم برلا نے اپوزیشن ارکان سے کہا کہ وہ اپنی نشستوں پر واپس چلے جائیں۔ انہوں نے حکمراں جماعت کے ارکان کو بھی بیٹھنے کا اشارہ دیا۔ حکمران جماعت اور اپوزیشن ارکان کی ہنگامہ آرائی جاری۔ حکمراں پارٹی کے اراکین ‘راہل گاندھی معافی مانگو’ کے نعرے لگا رہے تھے جب کہ کانگریس سمیت کچھ اپوزیشن پارٹیوں کے اراکین ‘بولنے دو، بولنے دو…راہل جی کو بولنے دو’ کے نعرے لگا رہے تھے۔