حیدرآباد کی کثیر منزلہ عمارت میں آگ لگنے سے ، 6 کی موت

تلنگانہ،17مارچ /حیدرآباد کے سکندرآباد علاقے میں ایک کثیر منزلہ کمرشیل کامپلیکس میں آگ لگ گئی، اس واقعہ میں کم از کم چھ لوگوں کی موت ہوگئی ہے۔ مہلوکین میں خواتین بھی شامل ہیں۔ واقعہ کی اطلاع دیتے ہوئے ایک سینئر پولیس عہدیدار نے کہا کہ آگ پر قابو پالیا گیا ہے۔ انہوں نے کہا کہ جانچ کے بعد ہی موت کی وجوہات کا پتہ چل پائے گا، لیکن دم گھٹنے کی وجہ سے موت ہونے کے سب سے زیادہ خدشات ہیں۔عہدیدار نے کہا کہ 12 لوگو کو الگ الگ اسپتالوں میں بھرتی کرایا گیا ہے اور ان میں سے چھ کی ایک اسپتال میں علاج کے دوران موت ہوگئی، باقی لوگوں کا علاج چل رہ اہے۔ عہدیداروں نے کہا کہ متاثرہ تلنگانہ کے ورنگل اور کھمم اضلاع کے رہنے والے ہیں۔ وہ ایک مارکیٹنگ کمپنی میں کام کرتے تھے، جس کا کثیر منزلہ کمرشیل کامپلیکس میں ایک ا?فس تھا۔ فائربریگیڈ عملہ نے 7 لوگوں کو محفوظ بچایا ہے۔عینی شاہدین کے مطابق، آگ شام قریب 7.30 بجے بلڈنگ میں لگی، جس میں کئی آفس ہیں۔ اس کے بعد آگ بجھانے کے لیے فائربریگیڈ کی 14 گاڑیاں موقع پر پہنچی۔ ادھر، بچاو مہم کی نگرانی کررہے ایک دیگر عہدیدار نے کہا کہ ا?دھی رات تک عمارت سے کافی دھواں نکل رہا تھا اور اس وجہ سے آگ کو بجھانے میں کافی مشکل ہوئی۔ انہوں نے کہا کہ ا?گ پر قابو پانے کے بعد راحت رسانی عملہ نے اندر پھنسے کسی شخص کی تلاش کے لیے چھان بین کی۔ عہدیدار نے کہا کہ ابتدائی جانچ میں آگ لگنے کی وجہ شارٹ سرکٹ بتایاگیا ہے۔بتادیں کہ اسی سال جنوری میں سکندرآباد میں ایک پانچ منزلہ تجارتی عمارت میں زبردست آگ لگنے سے تین افراد ہلاک ہوگئے تھے۔ آگ سے تباہ ہونے والی عمارت کو بعد میں منہدم کرنا پڑا۔