بارہ بنکی، اترپردیش میں دو فریقوں کے درمیان معمولی تنازع میں چلے دستی بم

بارہ بنکی،15مارچ (اے یوایس ) اترپردیش میں بارہ بنکی کے ٹکیت نگر تھانہ علاقہ کے کھجوری چررا گاو¿ں میں دو فریقوں کے درمیان معمولی جھگڑے کے بعد ہینڈ گرنیڈ پھینکے جانے کی خبر ہے۔ دیر رات دونوں فریقوں کے درمیان جھگڑے کے بعد ایک فریق نے دوسری طرف دستی بم پھینکے۔ دوسرے فریق نے کسی طرح گھر میں گھس کر جان بچائی۔ اس سے گاو¿ں میں ہلچل مچ گئی۔ معاملے کی اطلاع ملتے ہی پولیس موقع پر پہنچ گئی۔ دستی بم پھینکنے کی ویڈیو سوشل میڈیا پر وائرل ہو رہی ہے۔اسی طرح بدھ کو ہولی کے دن ضلع گوتم بدھ نگر کے ربوپورہ تھانہ علاقہ کے نیلونی گاو¿ں میں دو فریقوں کے درمیان زبردست لڑائی ہوئی۔ پولیس نے اس معاملے میں 21 لوگوں کو گرفتار کیا ہے۔ پولیس کمشنر کے میڈیا انچارج دھرمیندر شکلا نے بتایا کہ بدھ کی شام نیلونی گاو¿ں میں شراب کے نشے میں دو فریقین آپس میں جھگڑنے لگے۔ انہوں نے بتایا کہ دونوں فریقوں نے ایک دوسرے پر لاٹھیوں اور ڈنڈوں سے شدید حملہ کیا۔ اس واقعے میں کئی لوگ زخمی ہوئے۔