اچھی صحت اور ترقی ایک ساتھ چلتے ہیں ۔ مرکزی وزیر صحت مانسکھ مانڈویہ

صحت مند خاندان کیلئے موجودہ صحت کے بنیادی ڈھانچے کی اپ گریڈیشن کو ضروری قرار دیتے ہوئے مرکزی وزیر صحت و خاندانی بہبود ، کیمیکلز اور کھاد مانسکھ مانڈویہ نے اس بات پر زور دیا کہ شہریوں کی اچھی صحت اور ایک قوم کی ترقی ایک دوسرے کے ساتھ ہے جیسا کہ وہ مضمر ہیں اور مکمل طور پر کام کرتے ہیں ۔ انہوں نے مزید کہا کہ صحت کی دیکھ بھال کے نظام کے اشارے سماجی اور اقتصادی ترقی کے پیرا میٹرز کو اپ گریڈ اور تیار کرنے میں اہم کردار ادا کرتے ہیں اور مزید کہا کہ اس سلسلے میں کچھ نئے اقدامات کئے جا رہے ہیں ۔ وزیر نے ان باتوں کا اظہار بارہمولہ کے دورے کے دوران کیا جہاں انہوں نے کئی ترقیاتی سرگرمیاں انجام دیں جن کی اہم عوامی اہمیت ہے ۔ وزیر نے یہ دورہ مرکزی حکومت کے خصوصی آو¿ٹ ریچ پروگرام کے ایک حصے کے طور پر کیا جس کا مقصد ترقیاتی خدشات سے متعلق عوامی آراءکو اجاگر کرنا ہے ۔ جموں و کشمیر میں ہیلتھ کئیر آرکیٹیکچر کو ترقی دینے کیلئے حکومت ہند کے عزم کا اعادہ کرتے ہوئے مسٹر مانڈویہ نے کہا کہ وزیر اعظم نریندر مودی کی قیادت میں موجودہ ڈسپنس معاشی طور پر کمزور اور پسماندہ طبقات پر خصوصی توجہ کے ساتھ لوگوں کو موثر اور جامع صحت اور طبی سہولیات فراہم کرنے کیلئے پُر عزم ہے ۔ انہوں نے مزید کہا کہ یو ٹی میں گورنمنٹ میڈیکل کالجز اور ایمس کی سہولت کا قیام موجودہ صحت کی دیکھ بھال کے نظام کو ایک بڑی کامیابی دے گا ۔ وزیر نے مزید کہا کہ ہیلتھ انشورنس کا آغاز صحت کے شعبے میں اٹھایا گیا ایک ارتقائی قدم ہے اور صحت کے شعبے میں بجٹ میں ہر سال عوام کی امنگوں کی بنیاد پر نمایاں اضافہ کیا جا رہا ہے ۔ انہوں نے یقین دلایا کہ مرکزی حکومت کی جانب سے ہمارے صحت کے اداروں میں بنیادی ڈھانچے کو اپ گریڈ اور ترقی دینے کیلئے ہر ممکن اقدام اٹھایا جائے گا ۔ قبل ازیں وزیر نے صحت کے شعبے میں کئی ترقیاتی پروجیکٹوں کا افتتاح کیا جن میں سب ڈسٹرکٹ ہسپتال سوپور میں ہائی ٹیک سی ٹی سکین مشین کا افتتاح شامل ہے جس کی لاگت 1.72 کروڑ روپے ہے ، ایس ڈی ایچ سوپور میں پی ایم بھارتیہ جن آشدی مرکز ، گورنمنٹ میڈیکل کالج بارہمولہ میں نئے جی ایم سی اور ایمس کے ترقیاتی سفر کی تصویر کشی اور 50 بستروں پر مشتمل پورٹیبل ہیلتھ کئیر یونٹ بارہمولہ کا افتتاح شامل ہے ۔ اس موقع پر ایڈیشنل چیف سیکرٹری ہیلتھ اینڈ میڈکل ایجوکیشن جے اینڈ کے وویک بھاردواج ، ڈی ڈی سی چئیر پرسن بارہمولہ سفینہ بیگ ، ڈپٹی کمشنر بارہمولہ بھوپندر کمار ، ڈائریکٹر کوارڈینیشن نیو میڈیکل کالجز ڈاکٹر یش پال شرما ، پرنسپل جی ایم سی بارہمولہ ڈاکٹر ( پروفیسر ) روبی رشی سمیت دیگر سینئر افسران موجود تھے ۔