ایس آئی یونے سرینگر میں کئی رہائشی مکانات کی تلاشی لی

تلاشی کے دوران قابل اعتراض مواد ضبط، مزید تحقیقات شروع/پولیس
جموں وکشمیر کی گرمائی راجدھانی سری نگر میں (ایس آئی یو )نے متعد د مقامات پر چھاپے مارے جس دوران قابل اعتراض مواد کو برآمد کرنے کا دعویٰ کیا گیا ۔ جموں وکشمیر پولیس کے سپیشل انوسٹی گیشن یونٹ (ایس آئی یو ) نے یو ایل پی اے کے تحت درج کیسوں کی تحقیقات کا دائرہ وسیع کرتے ہوئے شیراز کالونی گنائی نزدیک راشن گھاٹ صورہ اور شالہ باف کالونی جناب صاحب صورہ آنچار میں رہائشی مکانوں کی تلاشی لی۔ چھاپہ ماری ایف آئی آر زیر نمبر 50/2022زیر درعات 307,302آئی پی سی کے تحت کیس کے سلسلے میں ڈالے گئے۔ بتادیں کہ اس سے قبل ایس آئی یو نے پانپور اور کولگام میں بھی چھاپہ مار کارروائی کے دوران ڈجیٹل مواد کو برآمد کرنے کا دعویٰ کیا تھا۔ پولیس کا کہنا ہے کہ ان چھاپوں کا مقصد ملی ٹینسی کے معاملات کی چھان بین اور ملی ٹینٹوں کے ساتھیوں پر دباو پیدا کرنا مقصود ہے۔ اُن کے مطابق عدالت مجاز سے اجازت حاصل کرنے کے بعد ضلعی انتظامیہ اور مقامی پولیس کی مدد سے رہائشی مکانوں کی تلاشی لی گئی جس دوران قابل اعتراض مواد کو برآمد کرکے ضبط کیا گیا۔