پسماندہ طبقوں کی فلاح و بہبود سے متعلق کیرالہ قانون ساز اسمبلی کمیٹی کے اَرکان اور عوامی وفود نے لیفٹیننٹ گورنر سے ملاقات کی

پسماندہ طبقوںکی فلاح و بہبود سے متعلق کیرالہ قانون ساز اَسمبلی کی کمیٹی کے اَرکان نے آج یہاں راج بھون میں لیفٹیننٹ گورنر منوج سِنہا سے ملاقات کی۔کمیٹی ممبران جن میں کوروکولی معی الدین، کے بابو، اے پربھاکرن، کے کے رام چندرن اور ایس جی سٹیفن شامل ہیںجو جموںوکشمیر یوٹی کے مطالعاتی دورے پر ہیں۔لیفٹیننٹ گورنر نے کہا کہ آرٹیکل 370 اور 35اے کے خاتمے سے مساوات ، اِنصاف اور بااِختیاریت کی ایک نئی صبح کا آغاز ہوا ہے۔ محروم طبقوں کو مناسب حقوق عطا کئے گئے ہیںاور حکومت جموںوکشمیر سماجی مساوات اور سب کے لئے اِنصاف کی خاطر اَنتھک محنت کر رہی ہے ۔بعد اَزاں، بی جے پی قائدین کے ایک وفد بشمول ڈاکٹر علی محمد، اِنچارج بی جے پی جموں وکشمیر اقلیتی مورچہ اور بی جے پی بڈگام کے ضلع صدر عمر جان نے بھی لیفٹیننٹ گورنر منوج سِنہا سے ملاقات کی۔ اُنہوں نے لیفٹیننٹ گورنرکو مختلف ترقیاتی مسائل بشمول بڈگام کے سڑکوں کے نیٹ ورک کو مضبوط بنانے، مشہور سیاحتی اور مذہبی مقامات جیسے دودھ پتھری ، توسہ میدان ، یوسمرگ اور چرارِ شریف ، خان صاحب میں واٹر فلٹریشن پلانٹ اور ایل ٹی کھمبوں کی مرمت کے مسائل گوش گزار کئے۔اِسی طرح جموں وکشمیر پیپلز جسٹس فرنٹ کے آغا سیّد عباس رِضوی کی قیادت میں شیعہ کمیونٹی کے اَرکان کے ایک وفد نے شیعہ وقف بورڈ کے قیام اور شیعہ کمیونٹی کی بہتری کے لئے مختلف مطالبات پیش کئے ہیں۔دریں اثنا،تحصیل صدر جموںوکشمیر گجر اور بکروال یوتھ ویلفیئر کانفرنس کرنا ہ چودھری خورشید دوئی نے لیفٹیننٹ گورنر کو گجربوائز اینڈ گرلز ہوسٹل قبائلی دیہات کے لئے سمارٹ سکول اور کرناہ میں خواتین آئی ٹی آئی سینٹر کی تعمیر س،قبائلی دیہات کے باشندوں کے لئے سولر پلانٹس کی فراہمی ، پانی کی فراہمی ،ایس پی اوز کے لئے خصوصی بھرتی مہم ، سڑک رابطے کی مضبوطی ، کرناہ کے علاقے میں کھیل میدان اور سکل ڈیولپمنٹ سینٹر کا قیام سے متعلقہ مطالبات کی ایک یاد داشت پیش کی۔لیفٹیننٹ گورنر نے وفود کے اَرکان کے ساتھ بات چیت کرتے ہوئے تمام خطوں کی مساوی ترقی اور سماج کے ہر طبقے کی فلاح و بہبود کے لئے جموںوکشمیر حکومت کے عزم کا اعادہ کیا۔لیفٹیننٹ گورنر نے وفود کو یقین دِلایا کہ ان کے جائز مسائل کو زیر غورلاکر جلد اَز جلد ازالہ کیاجائے گا۔