ڈی جی پرزن کی ہلاکت کا سنسنی خیز موڑ

گھریلو ملازم کی خود کشی کی ناکام کوشش ، ایک ڈائری بھی پولیس کے ہاتھ لگی
سرینگر/ڈائریکٹر جنرل پرزن کی پُر اسرار موت نے اُس وقت ایک سنسنی خیز موڑ لیا جب اس ہلاکت میں مبینہ طور پر ملوث گھریلو ملازم نے خود کشی کرنے کی کوشش کی ۔پولیس بھی اس معاملے میں شش و پنج میں ہے کیوں کہ گھریلو ملازم کی خود کشی اور ڈی جی پرزن کی موت کے معاملے کے درمیان تار جڑے ہوئے ہوسکتے ہیں۔ تاہم پولیس نے کہا ہے کہ اس معاملے کی باریک بینی سے چھان بین شروع کردی گئی ہے ۔ اطلاعات کے مطابق چار اکتوبر کوجموں میں ڈائریکٹرجنرل جیل خانہ جات ہیمنت کمار لوہیاکی پُر اسرار موت واقع ہوئی ۔ڈی جی پرزن کی موت کا معاملہ پولیس کےلئے ایک اہم معاملہ تھا کیوں کہ ایک اعلیٰ عہدے پر فائز کسی بلٹ فورس کے افسر کی پُر اسرار موت کوئی معمولی واقع نہیں ہے ۔ تاہم اس سلسلے میں پولیس نے تحقیقات شروع کردی اور ہر زاﺅے کو ٹٹولا ۔تاہم اس معاملے نے اُس وقت سنسنی خیز موڑ لیا جب اس جرم میں مبینہ طور پر ملوث ایک گھریلو ملازم نے خود کشی کرنے کی کوشش کی ۔ذرائع کے مطابق گھریلو ملازم نے پولیس کے دباﺅ اور تفتیش سے بچنے کےلئے اس طرح خود کی زندگی ختم کرنے کا فیصلہ کیا جس میں وہ ناکام رہا۔ اس دوران پولیس نے دعویٰ کیا ہے کہ اس ہلاکت میں ملوث ایک گھریلو ملازم کو پہلے ہی گرفتار کرلیا گیا ہے جس نے خود کشی کرنے کی کوشش کی ۔ ذرائع کے مطابق پولیس تفتیش کے دوران مذکورہ ملازم نے خود کشی کرنے کی کوشش کا انکشاف بھی کیا تاہم اس نے ابھی تک ڈائریکٹر جنرل پرزن کی موت سے اپنے تعلق کے بارے میں کچھ نہیں بتایا ہے ۔ پولیس معاملے کی باریک بینی سے چھان بین کررہی ہے اور اس اینگل کو تلاش کررہی ہے کہ آخر ڈی جی پرزن کی موت اور گھریلو ملازم کی خود کشی کے بیچ کیا معاملہ ہے ۔ ملزم نے بلٹ گلے میں لگاکر درخت سے اپنے آپ کو لٹکاکر خود کشی کرنے کی کوشش کی تاہم بلٹ ٹوٹ گیا اور وہ بچ گیا۔تحقیقات کے دوران پولیس کے ہاتھ ایک ڈائری بھی ہاتھ لگی ہے جس کی جانچ کی جارہی ہے ۔