دلی سے انکم ٹیکس کی خصوصی ٹیم کشمیر وارد

شمالی کشمیر کے متعدد علاقوں میں چھاپے ڈالے
انکم ٹیکس محکمہ کی جانب سے شمالی کشمیر کے بارہمولہ ضلع میں متعدد جگہوں پر چھاپے ڈالے گئے جہاں پر دستاویزات ضبط کرلئے گئے ہیں ۔ اس دوران معلوم ہو اہے کہ آئندہ چند دنوں میں قومی انکم ٹیکس محکمہ وادی کے دیگر اضلاع میں بھی اپنی کاروائیاں جاری رکھے گا ۔ تفصیلات کے مطابق قومی انکم ٹیکس محکمہ کی جانب سے ایک خصوصی ٹیم کو دلی سے کشمیر بھیج دیا گیا ہے جہاں پر ٹیم نے جمعرات کو ائر پورٹ سے سیدھے شمالی کشمیر کے ضلع بارہمولہ کا رُخ کیا جہاں محکمہ کی جانب سے کئی تاجروں کے گھروں ، دفاتر اور دکانوں پر چھاپے ڈالے گئے اور اہم دستاویزات ضبط کرلی گئیں ہیں۔ معلوم ہو اہے کہ محکمہ انکم ٹیکس کی جانب سے خاص طور پر ان تاجروں کے گھروں پر چھاپے ڈالے گئے جو ٹیکس کی چوری میں ملوث ہیں اور اپنے گوشوارے میں غلط آمدنی دکھاتے ہیں۔ ادھر ذرائع نے بتایا کہ انکم ٹیکس ڈیپارٹمنٹ نے دعویٰ کیاکہ تلاشی کارروائی کے دوران اہم نوعیت کے دستاویزات تحویل میں لئے گئے تاجروں پرالزام ہے کہ وہ ٹیکس ادا نہیں کررہے ہےں اور اپنی جائیدا دکے گوشوارے چھپارہے ہےں۔ انکم ٹیکس ڈیپارٹمنٹ کی ٹیم نے سوپور ،ہندوارہ میں بھی ا سطرح کی کارروائیاں عمل میں لائیں ،جبکہ باخبر زررائع کے مطابق وادی کے تمام دس اضلاع میں ایک سو کے قریب ایسے تاجروں کی لسٹ انکم ٹیکس ڈیپارٹمنٹ کے پا س موجود ہےں جو آمدنی او رجائیداد کے گوشوارے چھپارہے ہیں او رقوائد ضوابط کے تحت ٹیکس ادا نہیں کرتے۔ ان تاجروں کے خلاف انکم ٹیکس ڈیپارٹمنٹ ا ٓنے والے دنوں کے دوران باضابطہ طور پر کارروائی عمل میں لانے جارہاہے ۔