شوپیاں کے کلہ بل گاوں میں جنگجوﺅں اور فورسز کے مابین تصادم آرائی 2مقامی جنگجو جاں بحق

علاقے میں تلاشی آپریشن ہنوز جاری ، شناخت کیلئے کارروائی شروع /پولیس
پہاڑی ضلع شوپیاں کے کلہ بل گاوں میں عسکریت پسندوں اور سیکورٹی فورسز کے مابین جھڑپ میں دو مقامی جنگجو جاں بحق ہوئے ہیں۔ پولیس ذرائع نے اسکی تصدیق کرتے ہوئے بتایا کہ گاوں میں آپریشن جاری ہے۔ عسکریت پسندوں کی موجودگی کی اطلاع موصول ہونے کے بعد سیکورٹی فورسز نے سنیچر کے روز شوپیاں کے کلہ بل علاقے کو محاصرے میں لے کر تلاشی آپریشن شروع کیا۔ مقامی ذرائع نے بتایا کہ کئی گھنٹوں تک علاقے کی تلاشی لینے کے بعد جونہی فورسز اہلکار ایک مشتبہ مکان کے نزدیک پہنچے تو وہاں پر موجود ملی ٹینٹوں نے فورسز پر اندھا دھند فائرنگ شروع کی۔ ذرائع نے بتایا کہ سیکورٹی فورسز نے جوابی کارروائی سے قبل مکان میں محصو ر جنگجوﺅں کو خود سپردگی کرنے کا بھر پور موقع فراہم کیا لیکن وہ لڑنے پر بضد رہے جس کے بعد فورسز کی جوابی کارروائی میں ایک جنگجو جاں بحق ہوا۔ ذرائع نے بتایا کہ سیکورٹی ایجنسیوں نے انکاونٹروں کے دوران نئی حکمت عملی ترتیب دی ہے جس کے تحت مقامی عسکریت پسندوں کو سرینڈر کرنے کی خاطر اُنہیں اب بھر پور موقع فراہم کیا جاتا ہے جبکہ مقامی ذی عزت شہریوں کے ساتھ ساتھ والدین کو بھی تصادم کی جگہ طلب کرکے ملی ٹینٹوں کو مائل کرنے کی بھر پور کوشش کی جاتی ہے ۔ پولیس ذرائع نے بتایا کہ شوپیاں کے کلہ بل علاقے میں موجود عسکریت پسندوں کو کئی گھنٹوں تک ہتھیار ڈالنے کی پیشکش کی گئی اورا س کی خاطر آپریشن کو بھی موخر کیا گیا لیکن انہوں نے ایک نہ سنی جس کے بعد سیکورٹی فورسز نے جوابی کارروائی شروع کی جس دوران دو مقامی جنگجو جاں بحق ہوئے جن کی شناخت اور تنظیمی وابستگی کے بارے میں جانچ پڑتال شروع کی گئی ہے۔۔ ادھر پولیس نے عوام سے پ±ر زور اپیل کی ہے کہ وہ جائے تصادم پر جانے سے تب تک گریز کیا کریں جب تک ا±سے پوری طرح سے صاف قرار نہ دیا جائے کیونکہ پولیس اور دیگر سلامتی ادارے لوگوں کے جان و مال کی محافظ ہے لہذا لوگوں کی قیمتی جانوں کو بچانے کیلئے پولیس ہر ممکن کوشش کرتی ہے۔ چنانچہ ممکن طور جھڑپ کی جگہ بارودی مواد اگر پھٹنے سے رہ گیا ہو تو ا±س کی زد میں آکر کسی کی جان بھی جاسکتی ہے۔ اسی لئے لوگوں سے بار بار اپیل کی جاتی ہے کہ وہ جھڑپ کی جگہ کا رخ کرنے سے اجتناب کریں۔ لوگوں سے التجا کی جاتی ہے کہ وہ حفاظتی عملے کو اپنا کام بہ احسن خوبی انجام دینے میں بھر پور تعاون فراہم کریں تاکہ کوئی ناخوشگوار واقع پیش نہ آسکیں۔