بنوٹ پونچھ اوربلور کٹھوعہ میں سڑک حادثات ایک فوجی جوان ازجان،4فورسزاہلکار زخمی

سرینگرہ ایک فوجی اہلکار اس وقت اپنی جان سے ہاتھ دھو بیٹھا جب اسکی موٹر سائیکل منگل کی صبح پونچھ ضلع کے بنوت گاو ¿ں کے قریب حادثے کا شکار ہوگئی۔جے کے این ایس کے مطابق حکام نے بتایا کہ متوفی کی شناخت22سالہ محمد افضل کے طور پر کی گئی ہے، جو جموں و کشمیر سے باہر تعینات ایک سپاہی ہے جو حال ہی میں چھٹی پر گھر واپس آیا تھا۔محمدافضل اپنی موٹرسائیکل پر پونچھ جا رہا تھا کہ وہ بے قابو ہو کر نیچے گر گیا جس کے نتیجے میں وہ شدید زخمی ہو گیا۔ انہوں نے بتایا کہ اسے ہسپتال لے جایا گیا جہاں وہ زخموں کی تاب نہ لاتے ہوئے چل بسا۔اس دوران کٹھوعہ ضلع میں منگل کو سی آر پی ایف کے4 اہلکار اس وقت زخمی ہو گئے جب ان کی گاڑی ٹائر پھٹنے کے بعد الٹ گئی۔ذرائع نے بتایا کہ سی آر پی ایف کے اہلکار مرکزی وزیر جتیندر سنگھ کو سیکورٹی فراہم کرنے کےلئے بلور کی طرف جانے والی پارٹی کا حصہ تھے، جو وہاں بی جے پی امیدوار ستیش شرما کی حمایت میں ایک انتخابی ریلی سے خطاب کرنے کےلئے ہیلی کاپٹر کے ذریعے پہنچنے والے تھے۔انہوںنے بتایا کہ سی آر پی ایف اہلکاروں کو لے جانے والی ایک گاڑی بلور کے قریب اس کا اگلا ٹائر پھٹنے کے بعد پلٹ گئی جس کے نتیجے میں 4 جوان زخمی ہوگئے۔انہوں نے بتایا کہ جوانوں کو بعد میں کمیونٹی ہیلتھ سنٹر، بلاور میں علاج کے لیے لے جایا گیا۔