400 سے زائد فیڈر ٹرپ ہونے سے کراچی کے کئی علاقے تاریکی میں ڈوب گئے

کراچی/   400 سے زائد فیڈر ٹرپ ہونے سے کراچی کے کئی علاقے تاریکی میں ڈوب گئے۔تفصیلات کے مطابق فیڈر ٹرپ ہونے سے کراچی بھر کے 10 سے زائد گرڈ اسٹیشنز کو بجلی کی فراہمی معطل ہوگئی۔کراچی کے جن علاقوں میں بجلی کا بریک ڈاؤن ہوا ان میں اورنگی گرڈ، والیکا گرڈ، نارتھ کراچی گرڈ، شادمان گرڈ، نارتھ ناظم آباد گرڈ، بلدیہ گرڈ، جوہر گرڈ، گڈاپ گرڈ، میمن گوٹھ گرڈ اور ملیر گرڈ شامل ہیں۔مارچ کے شروع میں، ‘تکنیکی خرابی’ کی وجہ سے ہائی ٹینشن (ایچ ٹی( ٹرانسمیشن لائن ٹرپ ہونے کے بعد کراچی کے متعدد علاقے تاریکی میں ڈوب گئے تھے۔کراچی کا تقریباً 40 فیصد حصہ تاریکی میں ڈوب گیا ایک ہائی ٹینشن (ایچ ٹی( ٹرانسمیشن لائن ٹرپ کر گئی، جس سے کئی گرڈ سٹیشن ٹرپ کر گئے۔اطلاعات کے مطابق بجلی کے بریک ڈاؤن سے شہر کے متعدد محلے متاثر ہوئے جن میں نمائش چورنگی، صدر، لائنز ایریا، ڈیفنس ہاؤسنگ اتھارٹی (ڈی ایچ اے)، پنجاب کالونی، گلستان جوہر، کورنگی اور دیگر علاقے شامل ہیں۔