جمہوریت کا جشن،آج دوسرے مرحلے کی ووٹنگ

آج جموں کشمیر قانون ساز اسمبلی کے دوسرے مرحلے کی ووٹنگ ہوگی اور اس کے لئے تمام تر انتظامات کئے گئے ہیں جیسا کہ پہلے ہی الیکشن کمشن نے دوسرے مرحلے کے انتخابات کے حوالے سے بتایا کہ تقریباً25.78لاکھ لوگ ووٹ ڈالنے کے اہل ہیں ۔چھ اضلاع کے 26اسمبلی حلقوں میں ووٹ ڈالے جاینگے اور الیکشن کمشن نے اعلان کیا ہے کہ ووٹروں کی سہولیات کے لئے ہر ممکن اقدامات کئے گئے ہیں ۔اسمبلی انتخابات کے دوسرے مرحلے میں آج یعنی بروز بدھ ملک بھر سے 15500سے زیادہ مائیگرنٹ پنڈتوں کو ووٹ ڈالنے کا اہل قرار دیا گیا ہے ۔یہاں قیام پذیر پنڈت جو سرینگر ،بڈگام اور گاندربل میں ہیں 15حلقوں میں حق رائے دہی کا استعمال کرینگے ۔ریلیف اینڈ باز آباد کاری محکمے کے کمشنر اروند کاروانی نے کہا کہ 15500سے زیادہ کشمیری پنڈت انتخابی عمل کے سلسلے میں آج جموں ،ادھم پور اور دہلی میں قایم 24خصوصی پولنگ سٹیشنوں پر اپنے ووٹ کاسٹ کرینگے ۔جموں میں ایسے 14700ووٹر رجسٹرڈ ہیں جو یہاں کے 19پولنگ سٹیشنوں پر اپنے حق رائے دہی کا استعمال کرینگے ۔600سے زیادہ کشمیری پنڈت دہلی میں قایم چار پولنگ سٹیشنوں پر جبکہ ادھم پور میں 350سے زیادہ پنڈت اپنی حق رائے دہی کا استعمال کرینگے ۔سرینگر میں خواتین کے لئے گلابی اور سرخ پولنگ سٹیشن قایم کئے گئے ہیں جبکہ ضلع الیکشن افسر سرینگر نے خواتین اور معذور پولنگ اہلکاروں کے لئے آخری انتخابی تربیت کا اہتمام کیا تھا جو 23ستمبر کی سہ پہر اختتام کو پہنچا ۔ڈی ای او سرینگر کے ذریعے تعینات ماسٹر ٹرینز نے حصہ لینے والی خواتین اور پی ڈبلیو ڈی ملازمیں کو انتخابات کے دن پول مشینری چلانے کے لئے مہارت ااور علم سے آراستہ کرنے کے لئے مکمل تربیتی اور تجرباتی سیشن پیش کئے ہیں۔آزادانہ اور منصفانہ اسمبلی انتخابات کے لئے انتخابی رہنما اصولوں پر سختی سے عمل کرنے کے لئے حصہ لینے والے ملازمیں کو خصوصی ہدایات دی گئی ہیں ۔جبکہ چیف الیکٹورل افسر بار بار اس بات کا اعلان کرچکے ہیں کہ ان انتخابات میں کسی بھی طرح گڑبڑ کرنے کی نہ تو اجازت دی جاے گی جبکہ انتخابات سوفی صد شفاف طریقے پر عمل میں لائے جاینگے ۔جن چھ اضلاع میں ووٹنگ ہورہی ہے ان میں درجنوں تربیتی اور تجربہ کار سیشنز کا انعقادکیا گیا تاکہ انتخابات کے دن پولنگ کے فرایض کو کامیابی کے ساتھ انجام دینے کے لئے ہنر مند اور اچھی تربیت یافتہ اور قابل پولنگ اہلکاروں کو تعینات کیا گیا ہے ۔انتخابی مبصرین نے تقریباً ہر اس ضلع جہاں ووٹ ڈالے جاینگے میں ووٹنگ کے روز سیکورٹی کا بھر پورجائیزہ لیا ۔جس پر انہوں نے اطمینان کا اظہار کیا ۔انہوں نے پولنگ سٹیشنوں پردستیاب رکھی جانے والی سہولیات کا بھی جائیزہ لیا اور کہاکہ اس بار ووٹروں کے لئے ہر وہ سہولت دستیاب رکھی گئی ہے کہ جس سے ووٹروں کو کوئی تکلیف نہیں ہوگی ان چھبیس حلقوں جہاں ووٹنگ ہورہی ہے میں 3502پولنگ سٹیشن قایم کئے گئے ہیں ۔الیکشن کمشن کا یہ بھی کہنا ہے کہ کوشش یہ کی گئی کہ ووٹروں کو ان کے گھروں کے نزدیک ہی پولنگ سٹیشن رکھے جائیں تاکہ ان کوزیادہ دور تک ووٹ ڈالنے کے لئے نہ جانا پڑے ۔یہ امر قابل ذکر ہے کہ تیسرے اور آخری مرحلے کی ووٹنگ کا دن یکم اکتوبر مقرر کیا گیا ہے اور اس کے بعد 8اکتوبر کو ووٹ شماری ہوگی جس کے بعد قانون ساز اسمبلی کا قیام عمل میں لایا جاے گا۔