بلدیاتی اداروں کی مضبوطی سے عوام کو راحت ملی

مرکزی سرکار نے جموں کشمیر میں پنچائتی راج اداروں کو مضبوط بناکر یہاںکی ترقی کو یقینی بنانے کی سمت میں ایک بڑا قدم اُٹھایا ہے یہی وجہ سہے کہ آج پورے جموں کشمیر میں ترقی کی رفتار میں تیزی دیکھنے کو مل رہی ہے ۔ کافی برسوں بعد موجودہ مرکزی سرکار نے جموں کشمیر میں پنچایتی اور بلدیاتی انتخابات منعقد کرانے کا جو فیصلہ کیا تھا اُس کے مثبت نتائج اب عوام کے سامنے آرہے ہیں۔ اس سرکار نے چند برس قبل جموں کشمیر میں پنچایتی راج کے انتخابات منعقد کرکے پنچوں اور سرپنچوں کے چناﺅ کرواکر ایک انقلابی قدم اُٹھایا اور اس اقدام سے سرکار نے بنیادی سطح پر عوام کو بااختیار بنانے کا جو کام کیا اُس کی بدولت یوٹی کے دیہی علاقوں میں عوامی امنگوں کے مطابق ترقیاتی کا آغاز ہوا ۔ پنچوں اور سرپنچوں کی مختلف ترقیاتی پروجیکٹوں میں شمولیت سے دیہی عوام ترقیاتی عمل کے شراکت دار بنے اورلوگ اپنی ضروریات کے مطابق منصوبے مرتب کرنے کے حقدار بنے ۔ سرکار نے جامع ترقیاتی عمل میں بنیادی پنچایتی نمائندوں کی شرکت کو مزید بڑھانے کے لئے پنچایتی راج ادارون کو مالی طو پر مزید بڑھانے کےلئے پنچایتی راج اداروں کو مالی طور پر مزید بااختیار بنایا ہے ۔ اس فیصلے کے تحت دیہی پنچایتوں کو 5لاکھ روپے تک کا موں کی انتظامی منظوری دینے کااختیار حاصل ہوا ہے ۔ جبکہ بلاک ترقیاتی کونسلوں کو پانچ سے 20لاکھ روپے تک کاموں کی انتظامی منظوری دینے کے اختیارات ہوں گے ۔ اس طرح ضلع میونسپل کمیٹیوں کو ایک کروڑ روپے تک کے خرچے کے کاموں کی انتظامی منظوری دینے کا اختیار حاصل ہوا ہے ۔ سرکار کے اس طرح کے فیصلے سے اب ان بنیادی عوامی اداروں کو ترقیاتی کاموں کا تعین کرنے اور اپنے مسائل سے کاموں کو انجام دینے میں کافی مدد ملے گی اور اس طرح کے فیصلے سے ان اداروں کو مالی معاملات میں خود انحصار ی کو بھی فروغ ملے گا۔ یہ بات قابل ذکر ہے کہ سرکار کی ترجیح ہے کہ دیہی پنچایتیں عوامی مشوروں کے مطابق اپنے اپنے علاقوں کی ضروریات کے مطابق کام انجام دے سکیں تاکہ وقت پر عوامم کو ان کاموں کا فائدہ حاصل ہونے کے ساتھ ساتھ اُن کی مشکلات کا بھی ازالہ ہو۔ عوامی سطح پر سرکار کے ان اقدامات کی سراہنا ہورہی ہے اور عوام زمینی سطح پر ان اقدامات کے نتائج محسوس کرر ہے ہیں کیوں کہ گزشتہ چند برس میں ترقیاتی عمل کے حوالے سے یوٹی کے دیہی اور شہری علاقوں میں ایک نئی تبدیلی دیکھنے کو مل رہی ہے اور عوام کو دستیاب بنیادی سہولیات میں نمایاں بہتری آئی ہے ۔