سلاتھیہ چوک ادھم پورہ میں پُر اسر ار دھماکہ ، ایک شہری کی موت ،15سے زائد زخمی

پُر اسرار دھماکے کے بعد جموں اور دیگر حساس مقامات پر سیکورٹی بڑھا دی گئی
جموں کے ادھم پورہ ضلع میں بدھ کے روز اس وقت سنسنی کا ماحول پھیل گیا جب سلاتھیہ چوک میں پُر اسر ار دھماکے میں ایک شہری کی موت واقع ہوئی جبکہ 15سے زائد افراد زخمی ہو گئے ۔ ایڈیشنل ڈائریکٹر جنرل آف پولیس جموں مکیش سنگھ نے دھماکے کی تصدیق کرتے ہوئے بتایا کہ ابتدائی تحقیقات سے یہ بات سامنے آئی ہے کہ یہ آئی ای ڈی دھماکہ تھا جموں سے نمائندے نے تفصیلات فراہم کرتے ہوئے بتایا کہ ادھم پورہ کے سلاتھیہ چو ک علاقے میں بدھ کی اعلیٰ الصبح اس وقت افر ا تفری کا ماحول پھیل گیا جب علاقے میں پُر اسر ار طور پر ایک زور دار دھماکہ ہوا ۔ عینی شاہدین کے مطابق سلاتھیا چوک میں قریب پونے ایک بجے زور دار دھماکہ ہوا جس کے سبب متعدد افراد زخمی ہو گئے۔ زخمیوں کو فوری طور ضلع اسپتال پہنچایا گیا جہاں ایک شخص زخموں کی تاب نہ لاکر فوت ہو گیا۔معلوم ہوا ہے کہ دھماکے کی آواز قریب دو کلومیٹر دائرے تک سنائی دی گئی۔ دھماکے کے فوراً بعد سیکورٹی فورسز کے اہلکار جائے واردات پر پہنچ گئے جنہوں نے پورے حالات کا جائیزہ لیا جبکہ اس معاملے سے متعلق کیس درج کرکے تحقیقات بڑے پیمانے پر شروع کر دی گئی ہے ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ علاقے میں بدھ کو پُر اسر ار طور پر ایک دھماکہ ہوا جس کے نتیجے میںایک شہری کی موت ہوئی جبکہ 15دیگر زخمی ہو گئے ۔ انہوں نے بتایا کہ معاملے کی نسبت کیس درج کرکے تحقیقات شروع کر دی گئیں ہے ۔