ملک میں کورونا وائرس سے ہلاک ہونے والوں کی تعداد 5لاکھ 15ہزار سے متجاوز

نئی دہلی: ۸ مارچ (یو این آئی) ملک میں کورونا وائرس کے نئے معاملوں میں مسلسل کمی کی وجہ سے ایکٹیو کیسز 50 ہزار سے نیچے آ گئے ہیں۔ منگل کو مرکزی وزارت صحت کے جاری کردہ تازہ ترین اعداد و شمار کے مطابق گزشتہ 24 گھنٹوں میں 3,993 نئے مریض پائے گئے ہیں، جبکہ 8055 لوگوں نے وبا کو شکست دی ہے۔ اس کے ساتھ ہی 8,055 افراد کے صحت یاب ہونے کے ساتھ ہی اس وبا سے ملک بھر میں شفایاب ہونے والوں کی تعداد 4,24,06,150 ہو گئی ہے۔ اسی عرصے میں فعال کیسز کی تعداد 4,170 سے گھٹ کر 49,948 رہ گئی ہے۔ اسی عرصے میں مزید 108 جانوں کے ضیاع کے بعد ہلاک شدگان کی مجموعی تعداد 5,15,210 ہو گئی ہے۔ ملک میں کورونا سے اموات کی شرح 1.20 فیصد، صحت یابی کی شرح 98.68 فیصد اور وائرس کی شرح 0.12 فیصد برقرار ہے۔ کیرالہ میں پچھلے 24 گھنٹوں میں ایکٹیو کیسز کی تعداد 1،284 سے گھٹ کر 13,684 رہ گئی ہے۔ اس کے ساتھ ہی 2 ہزار 424 افراد کے صحت یاب ہونے کے بعد اس جان لیوا وبا سے چھٹکارا پانے والوں کی تعداد 64 لاکھ 33 ہزار 365 جبکہ مرنےوالوں کی تعداد 66 ہزار 263 ہو گئی ہے۔