عدالت عظمیٰ وی وی پی اے ٹی پر سماعت کرے گی

پانچ ریاستوں کے اسمبلی انتخابات کے ووٹوں کی گنتی 10 مارچ کو ہوگی
نئی دہلی: ۸ مارچ (یو این آئی) عدالت عظمیٰ اسمبلی انتخابات کےلئے ووٹوں کی گنتی کے عمل میں ووٹر ویریفائیڈ پیپر آڈٹ ٹریل (وی وی پی اے ٹی) سے لیس الیکٹرانک ووٹنگ مشینوں (ای وی ایم) کے ووٹوں کی تصدیق کا کام شروعات میں کرنے کی مانگ والی درخواست پر سماعت بدھ کو کرےگی چیف جسٹس این وی رمن کی سربراہی والی تین رکنی بنچ نے منگل کو سینئر وکیل میناکشی اروڑہ کی عرضی پر کل کےلئے درخواست کی فہرست بنانے کی ہدایت دی۔ اروڑہ نے ’خصوصی تذکرہ‘ کے دوران رائٹ ٹو انفارمیشن (آر ٹی آئی) کارکن راکیش کمار کی طرف سے دائر عرضی پر جلد سماعت کی درخواست کی تھی۔ عدالت عظمیٰ نے درخواست کی سماعت سے اتفاق کرتے ہوئے الیکشن کمیشن کو کل پیش ہونے کی ہدایت کی۔عرضی گزار کا کہنا ہے کہ وی وی پی اے ٹی سسٹم والی ای وی ایم مشینوں کے ووٹوں کی گنتی بعد میں کی جاتی ہے، جس کا کوئی جواز نہیں ہے۔ خیال رہے اتر پردیش، اتراکھنڈ، پنجاب، گوا سمیت پانچ ریاستوں کے اسمبلی انتخابات کیلئے ووٹنگ مکمل ہو چکی ہے۔ ووٹوں کی گنتی 10 مارچ کو ہونے والی ہے۔