موسم میں بہتری، شبانہ درجہ حرارت میں گراوٹ درج

سرینگر/8 مارچ/وادی کشمیر میں ہلکے درجے کے برف وباراں کے بعد گرچہ موسم میں بتدریج بہتری واقع ہوئی ہے تاہم شبانہ درجہ حرارت میں قدرے گراوٹ درج ہوئی ہے۔

محکمہ موسمیات کے ایک ترجمان نے کہا کہ وادی میں اگلے چوبیس گھنٹوں کے دوران موسم خشک مگر ابر آلود رہنے کا امکان ہے۔

انہوں نے کہا کہ وادی میں 9 مارچ کو کہیں کہیں ہلکے درجے کی بارشیں ہوسکتی ہیں جس کے بعد 14 مارچ تک موسم مجموعی طور پر خشک رہنے کی توقع ہے۔