دنیا میں کورونا سے 40 کروڑ افراد متاثر، 57 لاکھ سے زائد ہلاک

جنوبی کوریا میں ایک دن میں کورونا وائرس کے تقریباً 50 ہزارنئے معاملے
واشنگٹن(ایجنسیز) دنیا بھر میں کورونا وائرس کے کیسز 40 کروڑ سے تجاوز کر گئے ہیں، جبکہ اس موذی وبا سے اب تک 57.63 لاکھ سے زیادہ لوگوں کی موت ہو چکی ہے۔ جنوبی کوریا میں گزشتہ 24 گھنٹوں کے دوران کووڈ-19 کے 49,567 کیسز درج ہوئے ہیں، جو اومیکرون کے بڑھتے ہوئے کیسز کے درمیان ایک دن میں سب سے زیادہ تعداد ہے۔ دنیا بھر میں کورونا کیسز کی مجموعی تعداد 400,700,805 ہے۔ اس کے ساتھ ہی اس مہلک وائرس کی وجہ سے اب تک 5,763,154 لوگوں کی موت ہو چکی ہے۔ امریکہ کی جان ہاپکنز یونیورسٹی کے کورونا وائرس ریسورس سینٹر کی جانب سے دی گئی تفصیلات کے مطابق اب تک دنیا بھر میں مجموعی طور پر 10,097,091,544 افراد کو کورونا ڈوز دی جا چکی ہے۔امریکہ دنیا بھر میں کورونا وائرس کے ٹاپ ٹین ممالک میں پہلے نمبر پر ہے جہاں اس وبا کے کل کیسز کی تعداد 77,051,506 ہے اور اب تک مجموعی طور پر 908,820 افراد لقمہ اجل بن چکے ہیں۔ہندوستان دوسرے مقام پر ہے، جہاں متاثرین کی مجموعی تعداد 4,24,10,976 تک پہنچ گئی ہے۔ ملک میں کووڈ کے فعال مریضوں کی تعداد گھٹ کر 8,92,828 رہ گئی ہے۔ گزشتہ 24 گھنٹوں کے دوران 1217 مریضوں کی موت ہوئی، جس کے بعد اب تک کووڈ-19 کی وجہ سے جان گنوانے والوں کی تعداد بڑھ کر 5,05,279 ہو گئی جنوبی کوریا میں گزشتہ 24 گھنٹوں کے دوران کووڈ-19 کے 49,567 کیسز درج ہوئے ہیں، جو اومیکرون کے بڑھتے ہوئے کیسز کے درمیان ایک دن میں سب سے زیادہ تعداد ہے۔ صحت کے حکام نے بدھ کو یہ اطلاع دی۔ کوریا ڈیزیز کنٹرول اینڈ پریونشن ایجنسی (کے ڈی سی اے ) کے مطابق ملک میں گزشتہ 24 گھنٹوں کے دوران کووڈ-19 کے 49,567 کیسز کی تصدیق ہوئی ہے، جس سے متاثرہ افراد کی تعداد 11,31,239 ہو گئی ہے۔ ایک دن پہلے کیسز کی تعداد 36,719 تھی۔ رپورٹ کیے گئے کیسز میں سے 11630 مریض سیول کے رہائشی ہیں جبکہ 13,641 کیسز صوبہ گیانگی سے اور 3,912 مغربی ساحلی شہر انچیون سے رپورٹ ہوئے۔