مانسبل گاندربل میں تعیناتی فوجی اہلکار نے کی خود کشی

سرینگر/06اگست /گاندربل کے مانسبل علاقے میں جمعہ کے روز ایک فوجی اہلکار نے پھندے سے لٹک کر اپنی زندگی کا خاتمہ کیا ۔ پولیس نے اس ضمن میں کیس در ج کرلیا ہے ۔ وسطی کشمیر کے ضلع گاندربل میں ایک فوجی اہلکار نے نامعلوم وجوہات کی بناءپر خود کشی کرلی ۔ پولیس کے اعلیٰ حکام کے مطابق گاندربل ضلع کے علاقہ مانسبل علاقے میں قائم ایک فوجی کیمپ کے اندر ایک فوجی اہلکار نے جمعہ کو خود کشی کرلی۔مانسبل میں قائم 207 ویںبٹالین سے منسلک فوجی اہلکار نے کیمپ کے اندر گلے میں پھندہ لگاکر اپنی زندگی کا خاتمہ کردیا۔حکام کا مزید کہنا ہے کہ یہ جاننے کی کوشش کی جارہی ہے کہ کن وجوہات کی بنا پر فوجی اہلکار نے انتہائی قدم اٹھاتے ہوئے خودکشی کر لی۔پولیس نے اس ضمن میں کیس درج کرلیا ہے ۔ مہلوک فوجی اہلکار کی لاش کو آخری رسومات کےلئے اپنے آبائی علاقہ بھیج دی گئی ہے ۔