بلجیم میں پابندیوں کےخلاف احتجاجی مظاہرے ،70 افراد گرفتار

بروسلز(یو این آئی/ژنہوا)بلجیم میں پولیس نے کورونا وائرس کے پیش نظر لگائی گئی پابندیوں کے خلاف احتجاج کرنے والے تقریباً 70 افراد کو گرفتار کیا ہے ۔ پولیس نے مظاہرین کو منتشر کرنے کے لیے پانی کی بوچھاڑیں اور آنسو گیس کے گولے داغے ۔ حکام کے مطابق بلجیم کے دارالحکومت بروسلز میں اتوار کو تقریباً 50,000 افراد نے مظاہرہ کیا۔ حکام نے بتایا کہ مظاہرین نے پولیس پر کوڑے دان، رکاوٹیں اور دیگر پروجیکٹائل پھینکنا شروع کر دیے ، جس کے بعد پرتشدد جھڑپوں کے دوران پولیس نے پانی کی بوچھاڑیں اور آنسو گیس کے گولے داغے ۔ مقامی میڈیا کی رپورٹوں کے مطابق اس دوران پولیس نے تقریباً 70 مظاہرین کو گرفتار کیا اور 12 شرپسندوں کو اسپتال میں داخل کرایا گیا ہے ۔ خبر رساں ایجنسی بیلگا نے اتوار کی شام اپنی رپورٹ میں بلجیم کے وزیر اعظم الیگزینڈر ڈی کریو کے حوالے سے بتایا کہ ہمارا معاشرہ کبھی بھی اندھے تشدد کو قبول نہیں کرے گا۔