چینی ویکسین لگوانے والوں کو سعودی عرب میں داخلے کی مشروط اجازت

سعودی عرب میں داخلہ کےلئے بھارت کی کوئی بھی ویکسین منظور شدہ نہیں ہے جس کی وجہ سے بھارتی شہریوںکو سعودی عرب میں داخلہ کی اجازت نہیں ہے ۔البتہ چینی ویکسین لگوانے والوں کو سعودی میں داخلہ کی اجازت مل سکتی ہے ۔ سعودی عرب نے کورونا وائرس کے باعث 17 ماہ کی بندش کے بعد مکمل ویکسینیٹڈ غیر ملکی سیاحوں کے لیے یکم اگست سے اپنی سرحدیں کھولنے کا اعلان کیا تھا۔سعودی عرب نے چین کی تیار کردہ کووِڈ۔19 ویکسین لگوانے والے غیر ملکی شہریوں کو منظور شدہ ویکسینز میں سے کسی ایک کا بوسٹر شاٹ لگوانے پر ملک میں داخلے کی اجازت دے دی ہے۔جبکہ بھارت میں بننے والی کسی بھی ویکسین کو سعودی عرب نے منظور نہیں کیا ہے اور ناہی کسی بھی بھارتی شہری کو سعودی عرب میں داخلہ کی اجازت ہے اگرچہ اس نے ویکسین کی دونوں خوراکیں لی ہوں تاہم جنہوںنے چینی ویکسین لگوائیں ہیں ان کو ہی سعودی عرب میں داخلہ کی اجازت ہوگی ۔ سعودی ای ویزا پورٹل کے مطابق ‘وہ مہمان جنہوں نے سائنو فارم یا سائنو ویک کی دو خوراکیں لگوا رکھی ہیں انہیں اس وقت قبول کیا جائے گا جب وہ مملکت کی منظورہ کردہ چاروں میں سے کوئی ایک ویکسین کی اضافی خوراک لگوالیں ۔سعودی عرب نے یکم اگست سے بین الاقوامی سیاحوں کے لیے اپنے دروازے کھولنے کے بعد یہ فیصلہ کیا ہے جن کے لیے فائزر، ایسٹرازینیکا، موڈرنا یا جانسن اینڈ جانسن ویکسین لگوانے کی شرط رکھی گئی تھی۔سعودی حکام کی جاری کردہ ہدایات میں کہا گیا تھا کہ ‘ملک میں آنے والے سیاحتی ویزے کے حامل افراد کو آکسفورڈ/ ایسٹرازینیکا، فائزر/بائیو این ٹیک یا موڈرنا کی 2 خوراکیں یا جانسن اینڈ جانسن ویکسین کی ایک خوراک لگوانے کا ثبوت فراہم کرنا ہوگا